Fakselna 27th November 2017

0
468
views

A…aa…eng dang a ni lo. Hlawh pung \euh duh leh thlahlela titau nghawng nghawng ho hi thik tur an nei \ha em alawm. Anmahni awptu, elected Govt. ho hi an lian chak thei em alawm. Heti hian pa un pui pui tawh ho, sorkar hnaah pawh a hotu lawk ber ber, kum 30 chuang service tawhte hian an pension hlawh a tlem an hlauh luatah an hnuaia mite hmangin hlawh pun an phut leh chiam reng mai dawn a ni. Heng ho hi alawm RAM EI CHHETU pakhat chu ni. An chawlh hnuah khawi political party-ah emaw mi \ha leh dik ber ang zia zangin a phusa ber berah an han \ang zui leh a, tah pawh chuan PAWISA bak lungkham leh thlir an nei lo. Heng ho tel tamna party reng reng hi chu HNAIH SUH, mi rethei tan an hlauhawm lutuk. Kan ram chu HRUAITU nei lovin HOTU thuneihna hnuaiah kan kal bek bek ang a, min la sawp ral raih lovang tih pawh sawi har tak a ni.
Bawiha pu
————-

Eng vanga inkhawm \hin nge maw kan nih le? Kohhran Upa i nih vang em ni? Nge Kohhran hmeichhe hruaitu i nih vang nge, Pavalai hruaitu i nih vang zawk? K|P hruaitu i nih vang zawk em ni? I inkhawmin mi tute avangin inkhawm lo la, PATHIAN i hmangaihna avang zawkin inkhawm \hin ang che.
Angaihtei, Lungsum
————-

Vanglainia sawrkar hnathawkte hlawh pun chungchang, Pu HC Vanlalruata ziak kha a va dik em! A phusa ho hian Central-a an tlukpuite aiin hlawh an la lut tam zawk tih an hre lo em ni? Anni chuan an hlawh 1/3 dawn Income tax ram tan an pe asin. Mizoram budget hi kan intodelhna tura hma lak nan a beitham tih nak a laia, mahni invur nana lo lak \hen hi zahthlak an ti nange? A sur a sa hnuaia inhlawhfa leh thiamna bik nei driver angte pawhin sorkar hnathawkte ber hlawh zat ve pawh an lak loh hi. Tunah pawh hian sorkar budget 80/100 hi sorkar hnathawk hlawh leh an pension, an inrelbawlna tura dah a ni. Ram tan \hahnem lo ngai ve teh se.
9774377231
———–

Kan sorkar ka fak vena em em chu maw lemchan an thiam hi a ni e.
Lengkawia
————-

Bawlhhlawh bawm vai liam tih vel in hna a ni a, changkan ngaihna chu a awm lo a ni. Bawlhhlawh bawm vailiam tawk sorkar kan nei a, changkan ngaihna a awm lo.
9612238063
—————-

Hriatpuia hian a unaupa tan Pu Hawla hi eng ang pawhin bei mah se, ani ang hruaitu ropui hi a hneh ngai lovang. Pu Hawla hian dawt muhlum a sawi ve ngai lo.
Ruata pu
———-

Pu Hawla inpekna avangin remna kan nei a, hei hi Pu Hawla ropuina ber pawh a ni. Tunah hian kil tin a\angin beih rawn mah se a thih hnuah chuan tuna beih rawntute pawh hian nasa takin an la fak ngei ang.
Malsawma pa
————–

Mizoram hi Krismas lawm nasa ber tur kan nih ang ai hian engatinge kan khawlaite leh kan in te hi kan chei tlai bik \hin em em mai ni le? Kum tluanin kan nghak a, November a\angte hi chuan kan khawlaite hi chei \an tawh ila chuan a va nuam dawn em. A rei lo si, mawi tak takin i chei leh tawh teh ang u.
Christmas Putar
—————-

Mizoram sawrkar hian foreigner kan rama lo lut \hin te a ngaihven lohva a hnawhchhuah loh chuan kawng hrang hrangah hian min chim ral ang a. Tin, kan VC-te hian an VC huam chhunga ramdang mi leh hnamdang dinhmun leh an document hre chiang lova an en liam mai mai chuan a ram neitute hi rah behin kan awm ang a, Tripura ang khuan Tripura-a ram neitute lang tawh lovin Bengali (vai) kan tihte vekin ro an rel ang khuan kan awm ve ang. Chuvangin Zofate hian fimkhur takin ro i rel ang u.
Tlabung aw
————–

Kan Home Minister-in Garage nei lo an tam avanga traffic jam a tam, mipuiin an duh hmun an thlen duh hunah an thleng thei lo a tih kha a pawmawm ka ti viau lo. Zanah Garage neih loh avanga traffic jam, mipuiin harsatna an neih ka hre lo. Garage neih vek theih erawh \ha ka ti. Amaherawhchu, motor nei tam tak hi miin luah, nei leh nei lova loan hmanga nei ve hram hramte an ni a, in leh lo nei lo tan leh in hmun lo ram chhete pawh nei ve lo tan bul \an ve tak taktena harsatna kan tawh te min hriatthiam sak ve thei se, hruaitu chuan kil khat a\anga thlir lovin kil hnih kil thum a\angten min thlirsak ve ta se kan va ti ve. Heti ringawta a lera in\huai hi chu a fuh dawn emaw ni le? Kan hna tui zawng leh thiam zawng te a inang vek si lova. Driver hnate hi mi zawng zawng thawh chi lah a ni hek lo. Mi zawng zawng tui zawng lah a ni hek lo. Nge ni motor khalha eizawng ho leh mi inluaha loan-a bul \an ve hram hram hi hna dang min ngaihtuahsak zawk dawn le?
7005046967
————–

Tun hnaiah MSU leh CYMA-in Chakma pahnih lakah FIR an thehlut tih kan hria a, Signature dik loh vang leh Social Media-a thu dik lo thehdarh avangin a ni tih pawh kan hre vek a, ka sawi duh tak zawk chu khang an FIR thehluh khan enge a nghawng? An man ta em tih te kan va hre duh ve Mizo mipuite hian. An FIR thehluh chiah kan hria a, a leh pek kan hre leh \hin ngai lo hi engnge a chhan ni ang? Chuvang chuan a tawp thleng ngam tur leh FIR pawh ngaihvena bawhzui \hin turin ka’n fuih ve a ni e. A tawp i thleng ngam \hin ang u. Ram leh hnam thil a ni si a.

The KIM

————

Aizawl khawpui kawngpui sir, mihring kalna kawng dal chiaha Two Wheeler inthlahrung miah lova dah chu Traffic Police-in man tumin a nghak ran mai a. Ka support teh a nia!
9615424485
————