Fakselna 29th November 2017

0
573
views

Zoram mipui 11,50,000 aia sorkar hnathawk 50,000 hlau zawk ve lo PRISM hi ZPM aiin vote ka tum ta. ZPM hian Zoram hmasawnna tura Congress leh MNF/BJP aia an \hat zawkna tur an hria a nih pawhin an ngawi rei ta lutuk.

9612126503
—————-

Khawvel thilah Pathian inrawlhtir kan tum zel mai hi chu aw!! Missionary, Graham Stain te pafa leh Missionary dang tam tak veng bik lotu hian khawiah Khampat Bung va veng suh. Kan thih hnuah thlarau khawnge a kal dawn tih hi a ni mai. Khawvel chu khawvel, Setana ram a ni zawk. I thinlung erawh Pathian ram a ni thei.
LB-a Pa
———–

REMNA LEH MUANNA atana PU HAWLA lal\hutthleng ken leh ken loh thila tun thlenga lo la buai viau tak mai chu aw. Remna atan chuan MINUTE KHAT pawh inngaihtuah buai lova kian nghal tawp tur khan Pu Hawla kha he ram mipuite hmaah ngei a nih kha a insawi. Mahse, a dinhmunah ding ve ta ila, mi \ha pangngai chin hi chuan an ti thei ve fur ang chu. Minute khat chu sawi loh, an term chanve aia rei mah an sorkar hnuah second khat lek A TAWLH HRUT lek a ni lo’m ni? Khatiangte chu kei pawhin ka thei ve lutuk alawm. Hetia hlawhtling taka an sorkar theihna chhan ber pawh hi an party flagship fuh chu thu dang, MNF sorkar kha an CHE |AWP lutuk a, mihringin an ning tawh nen a thlak theitu awm chhun an nih vangte a ni ve bawk asin. Chumi kha mi chu ni se a thei ve lovang tih mai mai, a thei PA kan tam lutuk. Dinhmun a inchen lo mai mai alawm.
Tlangvala
————-

Kan ram hri vei zinga pakhat sorkar hnathawkte nawrh leh a thawk ve lo mipuite tawrhna hi kan CM hian huaisen taka a hmachhawn ngama, a tam zawk mi retheite hmakhua leh ram dinhmun thlir chunga a rel fel hmiah theih ka beisei tlat. Ram tana \hatna tur a nih chuan \anpui tur che tam tak kan awm. Hlau reng reng suh.
Zoram hmangaihtu
—————

Ram hruai hna hi kum 10 chelh hnuah eng ang mi nge a nih a chiang tawh. Kum 10 chhunga rin tlak loh chu kum 20 pawh hruai se a hma a mi ang bak danglam tur a awm lo. Tumah inbumtir tur a ni lo.
RK Sanga
————

Pu Manzuala te ang mi thiam, thil hre zau tak, thil chik tak, ni chu ni, ni lo chu ni lo tih duh mi, kan hnam Mizote hmasawnna leh ham\hatna, bengvarna etc. duh em emtu kan nei hi a va lawmawm em. |hahnemngai taka a thu tarlan \hinte hi hriatthiam hun, nunpui hun kan la nei ngeiin ka ring tlat.
Zopa
————

Garage nei loten ni tin cheng zanga chawi tur sorkarin a tih hi a tam deuh chu a ni. Aizawl khawpui chu mi ram anga plan a awm si lo. Sorkar hian garage nei duh, sakna hmun awm thei ngang si lote hi pawisa chawitir tur hi tihtlem a va \ha em. Ngaihtuah nawn leh se a \ha ang.
8974306918
—————

VL Ruata inti khan Lal Thanhawla thau i sawk hlaih a ni maw? Mi \ha hi tuman an sel ngai lo tih kha lo hre tawh rawh. Hre reng si, hre lo der i ang tlat. I thu thawn kha a \hing tawh tlat.
No. thup
———–

7th pay nawrin sawrkar hnathawkte an nuar a, opposition party-ten ruling party ham\hatna a nih an hlauh avangin hman loh dan an zawng a, mipui leh media lamah \an an la hi a \ul lem lo. Kum 10 dana pay revise \hin hi a taka hman hun a awm tho tho zel a, khi siam tamna mai mai a ni. Mipui bawk hi a hlawkna tel turte kan ni e.
8014344995
—————-

Congress ho hian, zu zuar reng siin ruihhlo an do leh bawk si a, Zoram mipuite hi min zah hlawl lo ni berin a lang. An rilru lo leh an nihna lo hi Zoram mipuite hriatah an sawi an sawi ringawt mai zawng a nih hi. Zu hi ruihhlo angah an ngai lo em ni aw? Nge thingpui ang lekah an ngai zawk?
Hnam Arsi hruaitu ZORAM SAKEI
—————

Kum 30 chhung kan ram awptu Party 2 te hi inbauh tawn reng lo se, kum 1987 September thla Assembly session laia CADC \hiah duh lo lama ban phar dun an ni a, ramri chungchanga hma la ngam lo leh Vote zawn nan a thlawna sum insem tam siak leh Corruption do puang thiam ve ve an nih avang hian min siamtu hian a hmangaihna lantir nan ram hmangaihtute a rawn auchhuah tir ta a, pawl hrang hrangte hrui khat ZPM vuanin an lo din tak hi. Ram \hatna duh tak tak tan chuan hai rual a ni ta love.
Zorama Pu
————

Mizote Kristian nun kawng hi chhut chiang ang u. Kan thlarau nun atana khawih pha sual pakhat kan chian em em chu ‘zu’ hi a ni si a. Hetih lai hian Pathian leh Kohhran, thlarauva piangthar inti, zu ngaithei lo ve tak ni \hin pawh kan ni. Nimahsela, Political Party atchilhna avanga mahni Party awmna ngeiin zu an han zuar a, sawi chhe ngam leh miah lo ringtu kan va tam tak em! Political Party Policy \ha lo chu ringtu inti te hian do ngam ang u.
PH FANAI
————–

Kolkata-a Pu Hawla in neih hi engnge in vei em em le? Kei chu kan milian leh hausate hian India ram khawpui tinah in \ha tak tak nei thei se ka ti. Tichuan mi hnam kan ang ve tihna a ni ang.
VL Ruata
————-

MNF, Congress leh Mizoram BJP-te hi ram hmasawnna aia sum ngaihtuah leh mahni hmasialna avanga an awmna Party-a nghet ve mai mai an ni tih a chiang.
Hmasawn ch^ka
——————–

Kan Zoram politician, sawrkarna chang tawh ho party pathum (3) te hian kan ram mipuite hi Thangkura ang deuhin bum fin in har em mai. a lo tih fiamthu hi a takin kan la kalpui reng tih hi i inngaihtuah harh tawh teh ang u.
9862910945
—————

Vantlang kea kalna pavement dal chiaha 2 wheeler dah chingte hi eng chen tak thlah zalenin awm ang maw?
LK-a
——————