Fakselna 2nd May, 2020

0
69
views

Mahni ngaihdan i’n aupui leh teh ang aw. Kan hripui beih mek hian eng chen nge a awh anga, eng chen nge \an a ngaih dawn kan hre lo va, \an vak aiin daihrei peih a \ul zawk dawn niin a lang a, kan inhmang da te te anga kan do hneh leh si lo ang a, min sawisa tak tak a nih chuan kan thawl hawk mai tur a nia. Hawh u, ngun deuhin i ngaihtuah teh ang u. Pu Duha sawi kha ka thlawp tlat mai.
Ruatdiki pu

8837399040

Pu Zonet, Doctor rualten Mizoram sorkarah inkharkhip zel rawtna thlen an tum tih Chanchin thar lamah kan lo hria a, kan rama natna kai chhun result enin kan ram dinhmun, kan pachhiatzia a\angin leh kan himna atana chhut chuan a lawmawm viau mai. Chutihrual chuan an rawtna pakhat zan lam dar 7 a\anga zing dar 5 thleng curfew erawhin eng nge awmzia awm ang? Puipunna hmun leh bazaar hawn loh, mipui punkhawmna hrim hrim khap leh ramri uluk taka ven hi a tawk viau tawhin ka hria. State dang leh ramdang a\anga Mizorama lo haw te erawh ni 20 tal khunghran ni thei se. Tin, inkharkhip hi pawhsei leh a nih chuan ram mipui rethei tak tak tawrhna hi a nasa tawh ngawtin a rinawm bawk. Natna lo luhna tur kawng chu a lang ta reng a, he lamah hian uluk taka sorkar a chet a ngai zawk lo em ni?
LR Hrahsel

8787895828

Hmar lam chauh ramri hi kan ngaihpawimawh chuan a dik lovang.

9862322234

Tun hnu hian quarantine hi ni 21 an ti \hin tawh lo maw?
Mr. TWENTY ONE

9615029788

A phurrit inphurh tir lo zawnga tihdan an zawn hi an tih makmawh a ni, mi hawihhawm pangngai an nih ngai chuan fee chanve chauh inchawitir ang chite paw’n. Education Deptt hotuten an la hre lo a nih chuan official order chhuah vat turin lo hrilh teh u, sum duh uchuak tia kan tlangthan tir hma hian.
Donald-a, DRP

9612602646

Inkharkhip chu zirtirtu hovin nuam an ti viau an tia, tak tak em ni?

7005922280

Home crusade TV kaltlanga inbuatsaih hi a lawmawmin a hlu ka ti hle mai. Pathianin tawtawrawta a hmante pawh ri hran hran, ki hrang hrangin a rik tirin a kuaikawi kual vek mai. |hahnemngaihna pawh Lal Isua zarah a nasa takzet bawk. Pi Bethsy Lalrinsangi pasal chuan upa raihin thu a sawi a, Federick-a leh Sailova chuan rau raihin an sawi bawk. A \ha vek e

9862013837

Tlabung lampang YMA ten Mizoram hri laka kan him theih nan ramriah zau zawkah duty inzarpharh an tum thu te kan lo hriaa, thla intimuang \hin e. Chutihrual chuan enga tinge kan sorkar hian police dik taka a lak \hin. In fit \ha tak tak, dulkiar pui pui, ram chhengchhiaah pawh duk purpur thei tur, hrisel \ha tak tak a lak hote kha a tirh \hat duh miah loh le? Hetiang huna hman tur hi an ni lo em ni? Nge city police vek tur em ni zawk? Hetia khawpui chhunga a nuamchina inhawrkhawm hut hut tur ringawt hi em ni kan nih? Kan hlauh dan hi a la nep riauvin ka hria. Positive hmuh hunah kan hlau thar ringawt dawn em ni? Mipuite hi tumah duty duh ta lo ila, ram venghimtu tur leh mawhphurtu chu kan sorkar te inni a sin.
Ramhmangaiha

7640997149

Covid-19 laka Mizoram mai pawh ni lo, khawvel buaia kan buai luih luih lai leh mi tlawmngaiten chhawmdawl ngaite \anpuiin ram venhimna lama mipuite leh sorkar NGO hrang hrangte kan buai em em laia MPCC \halaiten a dik lo lai leh felhlel deuhte lo siam\hat ve mai tum lova FIR tih vel an lo buaipui ve chhen mai hi chu a va la hun lo deuh em ve aw?! Tunah hi chuan damkhawchhuah dan tur ngaihtuaha lungrual taka kan thiam, kan finnate kan hman hun a la ni tlat. Misual zawn hun a ni lo va, hripui laka inven hun a ni e. Hri laka kan him dan tur leh kan nakin huna thil \ha turte han thawh zel teh u khai.

9862014844

Kan sakhming inkoh duatnate hi a hmanna hmun leh hunte hi hria ila. Miin thuneihna emaw, eng thiltih theihna emaw a han nei a, anmahni tlawnna vang leh beisei neih vanga an lainaten an koh duat dan anga rilru tak tak pawh ni der si lova lo koh ve chiam hi hlawkpui nana hmang an lo awm phah a nih chuan a \ha thova, mahse, mizia a tilang deuhin ka hria. Ram hruaitu ni ve phak zet, naupang chhe koh duat taka han koh diai diai mai hi chu aww…a no hli hliai lutuk a, ramri pawh an humhalh \hat ngam loh phah zo vek dawnin ka hria.
Tlangvala

9862349117

Police Training school-ah inkharkhip avangin gate-ah duty an dah ve a, mamawh lama Thenzawla kal dawnin hun hawn a nih pawhin gate pass a ngai tho ziah mai a, gate pass kawl SI vaipa-in duty dangte kutah a dah duh lo va, a awmna quarter-ah mipuiten kan pan fo mai. Mipuite tan a manganthlak hle a ni. He SI vai pa lah hian chapopui nan a la hmang ta deuh deuh emaw ni?

9862385339

May ni 3 hnulam hi chuan Partial Lockdown-in kal tawh ila, zan lam erawh strict deuh hleka curfew ni se. Tin, State capital leh District capital zawng zawngah Law & Order kengkawh turin Force mite chauh dahin Local Task Force te awl ni tawh se, State boundaries leh border areas-ah IR Police, Armed Police, Assam Rifles leh BSF te dah ni se. Heng Armed Forces te indaih lohna hmun apiangah hian Village Task Force te duty turin sorkarin ngen bawk se.

96126 23776

Tukin chu kawngsir chawhmeh an zawrhnaah ka kal kual ve a, thil man a lo to hlawm hle mai. Anhnah tel khat ₹ 20 leh ₹ 30 – kan lei \hin kha ₹ 50 a\anga ₹ 60 chho a lo ni vek mai a, Sangha kg-a ₹ 200 vel ni \hin kha ₹ 400 te a lo nia. Chutiang zelin arsa pawh a ni chho vek mai. Thla tin sing li, sing nga hlawh lak reng tur nei ve lo, sum thawh chhuahna ber thawh theih rih bawk si lo keini ang tan chuan kan neih tawka chawhmeh lei ve tur a vang hle mai. Buhfai a thlawna kan dawn hi kan chhumhmin anga, a \hen chawhmehah, a \hen chaw-ah tia kan siam rem mai a ngai a ni. Hma la thei chuan mi rethei ban phak tawk turin market rate hi siam fel se kan va duh tak em.
LT Ralte

98620 07651

Hei ramri depa kan \halai ho engemawzat chuan ram venhim nan an tha leh hun hmangin chemtum nen an inpe tawp hlawm mai. An theihtawpa theihna an pe a nih chu; a va mawiin a va thlamuanthlak tak em!!! Ram chhung leh pawna Mizo \halaite thiam zira chhuak ho zawng zawngte u, intan chona a va langsar em! Thiamna, finna, theihna hmang chhuaka ram chhanna hna thawk theia inzir puitling vek turin \an la mawlh ang che u. Kan rama chemtum leh tharum hmanga tihtheihloh rorelna leh thuneihna hmanga chhanhim theihna hi zirlaite kutah a awm lian hle. Kan ram rorelnaa dinhmun pawimawhte luah phak turin zir chhuak ang che u. Thiltihtheihloh ka kawhhmuh lo che u, taimak, rinawm, tumruhna nangmahnia awm kha hmang ula chu chu a tawk e. Mizoram himna leh hmasawn zelna hi \halai kutah a awm, chuvangin Pathianin finna leh thiamna a pek che u hi ram leh hnam dam khawhchhuah nan a tawk. Mizo rilru pianphung aia \ha hnamdang an awm chuang lo ve. |halaite u kan ram nghahfak inni e, innep hauh lo.
RK Sanga

94361 90314

Ka fak ve chak chu Fakselna chhiartu hian a chhiar thiam bakah a aw a chiang \haa, a theih chhung chu chhiar reng teh se.
Rosiama Ralte

84158 43194

Health Care Scheme March thla chhung tihna hun an hawn kha inkharkhipin a zui ta sia. Sorkar lam hian a hun hi rawn pawtsei leh thei hram sela, ti ve hman lote tan a lawmawm khawp ang.
Zohmai pa

94361 40319

Ek in sak \anpuina hi kan lak bak 2nd installment hi kan va la har tawh em em ve aw? Sorkar hian ngaiven rang thei se a lawmawm ngawt ang.
Marami Chawngthu

70852 10279

Ka vei pakhat chu Covid-19 avangin ni 41 kan inkharkhip tawh a, mi rethei nitin eichawp zawng, ni khat thawk lo pawha harsa mai, bill hrang hrang chawi ve ngai tho adt. hi kan ngaihtuah awm khawp mai. Sorkar hlawh la, thawh loh pawha hlawh kiam chuang lo ho tan chuan eng chen pawh inkharkhip mah ila buai lem lote nen chuan kan inang lo.
Kan rama Doctor rual hoten tun thla chhung chhunzawm leh nise tih rawtna an thlen a, chhunzawm leh zawm loh Cabinet-in an ngaihtuah dawn niawm tak a ni. Kan chhunzawm leh a nih chuan nitina eizawng chawpte hi MNF sorkar hian angaihtuah ngei a ngaih hmel. Mi rethei leh hausa ang khata kan hrut rual leh chuan retheite hi engtin nge kan awm dawn? Ngaihthah mai chi a ni lo anga, Pu ZONET eng nge i ngaih ve dan?
Pakima, ITI

70054 47128

In luah mante pawh inhriatthiamna nen kan kal laia school ni khat pawh kal chhin reng reng lo, full fee min \hing tlat mai hi eng dan nge ni ang? Inthlahrung ve deuh rawh se.
Chhangchhe Nu

89740 37133

Lawmthu hi sawi mawlh mawlh mai teh ang. Chaltlang Branch YMA hnen a\angin VLTF \anpuina tur buhfai leh chawhmeh chi hrang hrang bakah silpaulin leh pawisafai Rs. 5,000/- lai mai thilpek kan dawng leh ta, kan van lawm \hin tak em. Chaltlang Branch YMA leh vengchhung mipuite hnenah Fakselna kaltlang hian Teikhang VLTF aiawhin lawmthu ka sawi tak meuh meuh e. Engmah tih sak ve theih che u nei lo mah ila intan leh kan ram tan theihtawpin kan lo \ang zel ang. Malsawmna neitu chuan a let tam takin malsawm che u rawh se.
Chhaktiang Keite

76279 14601

Adama hian motor lian lei hi a duhna hi a va sawi rei tawh em em ve, a lei thei tawh lo’m ni?

96120 28563

Inkharkhip hi sorkar hnathawk tan an tawrh na em em a awm ve lo. CM Relief Fund atan an hlawh tlemte an cut sak a ni mai a, \henkhat phei chu Office kal vek ngai lovin an la inkal chhawk zui. Chawlh an ngah phah em em a, nuam an ti ru ngawtin ka ring. Mahse, keini sorkar zem zen ni ve lo tan hian a luhaithlak takzet a ni. Mi Taxi/Sumo khalha nupui fanau chawm, in luah man chawi ngai bawk si te hi Zoramah hian mi tam tak an awm a sin, an lungngaih tawh zia te hi, min \anpui rawh u tia auchhuah ngawt lah a chi si loh. Mizoramah Covid-19 kai an awm bawk si lo, hna kan thawh min phal sak tawh teh u.
Mambawiha Pa

87875 35132