Fakselna 30th August, 2018

0
436
views

Kan ram hi ram zimte chauh a ni a, dimtea mipui tana \angkai taka kan hman theih laiin a ngaihna hre lo ve vein kum 30 chhung min awpbeh tawh hnuah vawiin thleng hian mi hausa leh rethei inkar heti em ema la khi zau mai hi a ngaihna tak an hre ngang lo a nih hi. A hrim hrimah kan party lian intite pahnih inhnial reng mai hi keini ZPM chuan kang \helh tumin nasa tak maia beihpuithlak tumin \helh mit ngei kan tum a ni. He kang \helh tur hian mi zawng zawng kan sawm a che u.
MS-a, Aizawl
————-

Hrangturzo bial kan nula chhuanawm chu a va fakawm ve. Ka lo vote leh ang. Congress party vang ni lovin, Mizo NULA entawntlak leh chhuanawm a nih vangin.
Tlangvala
————–

Kei leh ka chhungte hi chuan ZPM-ah lo hi chuan beisei kan nei ta lo. Kum 30 kan ram min enkawl sak tawhtute sulhnu han hmuh hian lung reng a awi thei mawlh lo. Chuvangin thingtlang lam unaute khan inpuanven sawichhingin kan ram tan ZPM hi kumin chu i enchhin ve teh ang u.
9862322234
————–

HABAKUKA 2:15-ah chuan ‘A \henawm hnena zu in tur petu chu a chung a pik e’, chhiar zawm zel rawh. Chuvangin Lal Thanhawla’n zu a zawrh leh zawrh lohah inhnial a ngai lo. A ruka hralhtu leh phalna petu chuan danglamna an nei lo. Tu chhungkua mahin an \hatpui loh avangin. I thurualpui duh a nih chuan i thu thu a ni e.
9862216410
————–

MPCC leh MNF hotupa ve ve ho hian vaiho KABADI hi khel se an inngeih mai lo’ng maw le? Pu JV Hluna hi Trophy ni mai se. Pu Hawla leh Pu Rama hi han inum vel sela, Friendly match ropui tak leh hmuhnawm a tling ngeiin ka ring tlat.
Ramtea MZ
—————

Damdawi mum pahnih, an hnathawh dan inang reng, kum 30 chuang chhung Zoram mipuiten kan dam nan kan lo ei ta a. Dampui a hnekin kan na zual telh telh a, zai pui, Operation hial a lo ngai ta mai zawng a nih hi. Doctor thiam tak, a ngaihna hre tan lo chuan he kan natna hi zaidam chi rual a ni ta lo. Kan thihpui loh vek pawn kan chhiatpui hle dawn ta a nih hi! Kuminah kan inthlang leh dawn a, Zoram mipuite hian kan chhiatpui CONGRESS leh MNF sual inpuansak rengte hi em ni kan thlan leh dawn? Nge nia beiseina thar neiin kan ram leh hnam, kan chhungkaw damna ngei tur, hruaitu \ha kaihhruai, kalphung thar hmanga min hruai tur “|angrual Pawl” ZPM hi kan thlang ve tawh zawk dawn. Duhthlanna chu i ta ani e.
Thingtlang Pa
————–

Mizo Idol kan lo en \hin a, a hmuhnawmin an thiam khawp mai. Lalthanmawia kan \an khawp mai. Tling zel turin kan duhsak e.
8119868162
————

Takam ho hi an sual hle mai. An thil tih duhdan mai mai hi min tihbuai hle mai, an tluang lo ang. Mizoramah an awm duh tho bawk si a, a zia lo hle mai a.
9862153088
————

Jonathana Pangzawl kha kan \an tawp che nia, i kal zelna turah Fakselna kaltlangin duhsakna kan hlan a che.
HAWIHCHINI
—————

Aizawl khawpui chhunga chhun lama traffic jam nachhan ber pakhat chu kawngpui (metal chin) rapa motor an dah leh hun \hin vang hi a ni khawp mai. Traffic jam kan sutkianna tur chuan hetianga motor dah leh hun hi phal loh nise a \ha ber ang.
Zoa, Aizawl
————–

Idol dar 8-ah intihsiakna neih tur tih chanchintharah meuh inpuang amaw? TV-a in sana dar zat leh kan sanapui tar pa hnih leh ka phone sana a inmil vek. Dar 8:05-ah live chu a lang ve. Idol a la lang teuh lo. Dar zat kan tiam a nih chuan dar bituk hmain fakna ti ula, dar bituk hi chuan Host ding nalh thei sela. Dar 8:09-ah Host kan hmu chiah a, ka phunchiar ve chakna tak a ni. Pu ZONET in-punctual thei deuh lo maw? A hma pawhin 7:45 intih pawhin live meuh chu dar 8:00 a ni ziah a nia.
RT Khiangte
————–

NLUP sem mai tur Gauhati H/C Mizoram Bench-in a stay kha Mizoram sorkar chak tak hi a insawifiah thei dawn tawh lo em ni? A reh tak vang vang mai ni? Han insawifiah vat vat mai teh u. Thingtlang mipui hian insem hi kan nghakhlel tawh teh mai nia.
Thingtlangpa
—————

MNF leh ZPM party hian an tet tawhzia hre lo niawm taka sorkar tur anga an insawi hi mipui bum tumna mai a ni. Mipui hi bum theih kan ni tawh lo.
Lalrinfela
—————-

MNF ho hian an sorkar laia an corrupt zia leh party induhsakna an kalpui nasat dan kha mipui hian kan theihnghilh lo tih an hria nge, an \awng huai mah mah deuh e. Ekin kal thei, mawza manto, a tam lutuk sawi kim sen a ni lo. Bafacos sum an khawih dan leh ramhnuai to ramhnuai kawng chhawr tlak loh leh chhawrna awm lo laih nan an hmante kha pui tak a ni.
Duata pu
————-

Pu Hawla leh a hnungzuitute hian kan sorkar leh Pu Hawla’n zu a zuar lo an ti fova, hetianga titute hi eng rilru pu nge maw an nih le? Mi ^ chu an ni bik awm si lova. Fakselna kaltlangin min rawn zawng chhuak la, kan sorkarin zu a zawrh zia leh Zoram leh chhungkua tam takin kan chhiatpui nasat zia i lo sawi dun teh ang.
8974210277
————-