Fakselna 4th May, 2018

0
516
views

Heti khawpa roreltu leh hotu nih chak si, an rorel hun laia \awngkam leh thiltih chhuanawm loh tam viau si hi a inhmeh thei ngang lo a ni. Kumina kan thlan tlin turte pawhin chhinchhiah ula, in thuneih chhungin thlan nawn leh chakawm khawpin dikna leh rinawmna nen hna thawk ang che u. Chu chu Mizoramin a zawng e.
RK Sanga
————-

Pu Modi ka lehkha han thawn kha i lo hmu em? Mizoramah pawh i thil tihdan hi \ha kan ti a ni ang, CADC-ah pawh Congress ho nen sorkarna kan siam a, Pu Hawla te pawh hian \ha an ti che a ni ang sawm ula. MLA-ah pawh hneh takin kan sorkar ngei ang. Congress Party ber kan thawhpui theih chuan engmah hlauh tur kan nei lo ang.
Ram tana i thawhpui, Khiangawia
————

Lalnghinglova Hmar (Tetea) hi politics lamah inhera, MLA ni turin lo mitthla hlek suh u (ri ret ret a awm). Politics tuinu dai tur chuan kei chuan ka phal teuh lo mai. A uihawm lutuk. Tun dinhmuna kan hnam tana a thawh hlawk zia hi kan hmua, kan hriat hlawm hi. Pathian venin dam sela, Mizo nih tinuamtu ni chhunzawm zel teh se.
8414883986
————-

ZONET Fakselna ram leh hnam tana lu chhum ban chhum huama mahni inlum pawh luah thei lova a awm lai kha Pu RAMA hian a ngaihtuah ta lo nge BJP te thawhpui a tum tak? Pathian nung betu PU CONGRESS-A tihawm lek a ni. BJP ho lakah dawl zawrin a zawr ta a ni maw? Chal hnawih sen pa tihawm lek a ni. A pawi lo e, baal hmaa \hing\hi ve ngai lo tur |ANGRUAL PAWL kan nei a lawm. Pu Rama leh Pu Hawla te chuan BJP chu lo intlawnsiak teh se. Keini chu MIZO takin aw.
Thingdawl UI SATHIAM RUAL
————-

Pu James Dokhuma rauthla chuan a silai bo ta leh a kawltu chu a hmu khiau awm si a, a ui ve ngawt ang le. Mahse, bo thei chu a bo mai tur a ni si a le. Bo thei te lo neih reng reng te chu ama dik lo zawk pawh a ni mahna.
9774941216
————

St. Pauls a\anga topper lang nih hi chu thil har a ni lo, thlit fim sa rual ho an ni a, fail awma mawi pawh an ni lo. School \henkhat dang, thingtlang kherek a\anga lokal, sap \awng pawh phun rem thiam mang lo ho hlang kaia, bang liam \hintu sikul ho hi kei school \ha ka ti daih zawk chu ni em lovin, an thawk ropui zawk ka tia sin.
KAMTAMA MSV
———–

Dt 2.5.2018 nia Central sorkarin kuthnathawktute chawikan nana programme a buatsaih (Kisan Kalyan Karyashala) Project Kolasib District ATMA kaltlanga Kawnpui khuaa mipuite kokhawma neiha khuallian Bialtu MLA Pu Hmingdailova Khiangte-in a thusawi “Kuthnathawktute thar chhuah leina tur sorkarin budjet a dah anga insawiin kuthnathawktute thlai thar lei tur awm lo anga a sawi kha kuthnathawktute inhmuhsitna leh inzahlohnaah ka ngai a, sawhthing ringawt pawh khawchhak lam unauten an thar hnem lutuk, vawi khat mah sorkarin a la lei sak lo. Congress sorkar dawt sawi hreh loh zia a tilang chiang hle bawkin ka hria. Kuthnathawktute hian kan thar chhuak hnema, kan thar chhuah hnem leh kan beidawng hnem a ni. Eng sorkar mahin min la leisak loh avangin kuthnathawktute kan buai zawk a ni. Inthlanpui kum a nih vangin dawt chiang lutuk sawi tawh lo hram rawh se.
Sawmhlua Pa, Kolasib
————-

Mizo naupang HSLC pass thar zawng zawngte ka lawmpui che u. Ram leh hnam tana mi \angkai ni zel ang che u.
LB-a Pa
————-

Kan sorkar hi dem dem mah ula, kei zawng an fel ka va ti em. Mi retheiten kan neih phak lo tur kan neih theih phah a, Congress vul zel rawh se.
Marama klb
————-

Hachhek tlangdung inkalpawhna kawngpui, tun dinhmuna kawng laihzauh hnathawh hi furpui a thlen tak tak hma hian blacktop zo thei hram se, ruah a sur hlekin a diak zel a, zin vei vak mite tan a nuam lem lo hle.
Khawthlang pa
————

PHE tui sem hi a va rualkhai lo thei ve. Veng \henkhatah an tih liam pur pur laiin, \henkhatah tlem te te-in an sem a, eng nge a awmzia?
Liani, Aizawl
————