Medical Council of India-in MIMER a pawmpui – CM Lal Thanhawla

0
283
views

Mizorama Medical College hmasa ber tur, Mizoram Institute of Medical Education and Research (MIMER) chu Medical Council of India-in a pawmpui ta tih Chief Minister, Pu Lal Thanhawla’n a puang.

Hun engemaw chen kal tawh a\anga Medical College din tura hma an lo lak tawhna chu a hlawhtling dawn ta tih Chief Minister hian sawiin MCI hian Mizoram Institute of Medical Education and Research din remtihna hi nimin khan Sorkar laipuiah a thehlut a ni a ti a, hemi atana Order chu nimin tlai khan lakchhuah nghal tum ni mah se, an la peih hman loh avangin vawiin hian lak chhuah theih beisei a ni tih a sawi. Chief Minister chuan, sorkar hmasa lamah Falkawna State Referral Hospital chu ngaihsak a nih lo a, a nih tur ang taka chhawr \angkai a ni lo niin a sawi a, an sorkar ve leh \angkai zawka hman dan tur an ngaihtuah nghal niin a sawi. Sum tam tak senga phai lama inthawn buai ngai lo turin he College behchhan tur Falkawna State Referral Hospital chu khawl \ha ber ber hmanga thuam a nih thu leh mi tam zawkin an chhawr theih nan thuam \hat mek a nih thu pawh a sawi a. Medical Collge chu thil namai a ni lo nia sawiin, Pu Lal Thanhawla chuan, tun hmaa Sorkar lo awm tawh te khan din tur a ni tih chu ngaihtuah pawh an la ngaihtuah ngam ngai lo niin a sawi bawk. Falkawna State Referral Hospital hotute hnen a\anga thudawn danin, Medical College din chungchanga India rama thuneitu sang ber, Medical Council of India chuan Falkawna State Referral Hospital-a Medical College din tur hi \um 3 an enfiah tawh a ni. Medical College din tura Mizoram Sorkar inbuatsaihna chu \ha thawkhat bawk mah se, a nih tur ang a la nih phak loh deuh avangin College din phalna hi an pe mai thei lova. MCI hian Mizoram Sorkar ngen angin Falkawna State Referral Hospital hi tunhnai khan enfiah lehin, Medical College din phalna hi a pe ta a ni.