Fakselna (4th September, 2017)

0
383
views

Kan zaithiam neih ho hi engnge an awmzia? Hla thluk pangngai awm reng an sa kual kawi vak mai hi tha ka tih loh zawng tak mai a ni. A thluk pangngaia sak ve mai awm tak. An thluk no kual vel hi chu a nalh chu sawi loh ngeiawm lamah a kal zawk, uar bik deuh hi an awm lehnghal a. Sim tawh rawh se.
No thup
———-

Kan hotupa hi a dak thei/peih ang reng ti r’u? Thil dik leh thu dik awm sa hi a sawi chamchi mai a. Thawha tih tak tak chu sawi loh, tih tum mek a nih thu chauha tlingtla ziah. Tum ringawt te chu vai bawng chaw phur pawhin an nei ve chek ang.
8414883986
—————-

Kan CM zahawm tak hian mi retheite lei rem rahtir thu tawngkam mawi tak hi a hmang uar hle a. A hnathawh dan hian lei rem rahtir lam a hawi em tih chu mipuiin chhang sela. Kei chuan mi rethei lei rem rahtir tur chuan kawng tha siam bak hi awmin ka hre lo. Kawng ber a chhiat tlat chuan mi harsate thawh chhuah ang ang kha hralh emaw, tihral emaw a theih loh tlat. NLUP sum zozaite hi kawng siam nana hman ni sela, kan ram a zim si, state zinga kawng nei tha ber kan ni ang a, mi rethei kan tihte ho hi lei rem rap lo kan awm tawh hauh lovang. Tuna kan kal dan hi chu a nau awmtu a mam tulh tulh a, a nau awm a cher telh telh thung tih hi kan ang e.
RK Sanga
————

Khaw khawm hla phuahtu ZONET Fakselnaa rawn zawttu kha ka’n hrilh teh ang che, khawkhawm hla phuahtu chu SUAKLIANA a ni e.
RODY PA
—————

MNF party hi an zahpuiawm hle mai. NGO-ten Chakma area-a candidate neih loh ni se an ti a, a amen hmasa ber bera an tang hi nuih an tiza e. Candidate an neih duh lohnaa Unit hial an lo din hi thil maka chhiar tel tlak a ni. Congress party-ten Unit an nei hi erawh a mak lo, National party an ni a, unit nei awm an ni. Party dang tan a rem ve lo.
Malsawma pa
—————–

Eng party pawh sawrkar se, mimal hamthat nan hman tum lo ila ram leh hnam tan a tha a ni mai.
Ruthii Pu
—————-

Pu ZONET, hmannia Marilyn-i kawm, Pu James-a (a niin ka hria) food supplement lampang company kha, an dawr hming leh a veng khawngaihin min hrilh theih chuan ka lawm khawp ang.
Rinrini, Mission veng
—————-

Education Minister ni ve ila, sikul tan hun hi dar 10:00-dar 4:00 pm-ah ka siam ang. Mizo kalphung nen a inhmeh ber.
9436147113
—————-

Ka Wallet City Bus-a ka tihbo, khaw hran daiha Post Office hmanga min rawn thawntu, Pu Lalramhluna, YMA President, Armed Veng South leh a chhartu chungah ka thinlung takin lawmthu ka rawn sawi e. Him takin ka hmu e.
9436780527
——————

AMC ho chet dan chu a va fel lo ve. An chet dan atangin ramhnuai zia a lang e.
The Voice
—————–

Congress leh MNF an sorkar leh a nih chuan kan ram leh mipui chu kan hma a thim khawp ang le.
Sorkar tha duha
—————–

Inthlan hunah chuan Zoram mipuite i harh tawh ang u. Party lian inti pahnihte hian kan ram hi an hmangaih miah lova, an duh ber chu thuneitu niha, mahni inhaivur leh party mi thenkhat, an duhsak zawng leh an lamhnaite duhsak hle a ni mai. Kan hriat bel tawh hi. An pu ber pahnihte lah hi inpuh chhe tawnin, anmahni an infak vak vak a nih hi, an inang reng. A dera ram hmangaihtu ve ve an nih avang hian hawi hiltir mai mai teh ang u!
9862539105
—————–

Mizoram sawrkar hian AMC-ah hian Officer fel leh taima, hna thawk chak leh punctual hi dah tur a hre lo em ni? An office dawr dawn hian dar 11 hmain dawr tur an awm mumal ngai lo.
The Colonel
—————–

Bank-in duh leh mamawh an ngah ta lutuk hi a buaithlak tan riau niin a lang ta. Duh anga Bank-a kal theih a ni si lo, damlohna chi hrang avangin kan buai tan mek a ni si a, hetia buaina tam dawn chuan sum leh pai pawh dah kan va harsat mai ta awm ve aw.
9612238063
—————-

Mizoram kawng dinhmun en chuan eng vang phiangsenin nge PWD (Public Waste Department a ni miah lo a nia) kumin ringawtah pawh budget cheng vbc 817 zet hman ral kan neih awm ka hre lo. Heti zat hi YMA hnenah sem sela, rulngan vun anga mam kawng kan nei thei hial mahna.
9612126503
—————–

Kum 2018 MLA inthlan a lo hnai leh ta. Party 3 tangrualte chuan sawi an va hlawh ta ve le. Eng tak ang zel ang maw? I lo thlir zel phawt mai teh ang awle. An tihfuh chuan Zoram hi a danglam dawrh maiin a rinawm. Lo thlir zel phawt mai ang.
Thlirtu
—————–

Mizo Rider, state pawna feh chhuakte an che tha-in an fakawm hle mai. Kan Aizawl khawlaia mi dangte nunphung tibuaia tul lo taka bike khalh thin hote pawh hian khawpui khawlai mai ni lo, intihsiakna lamte hi hawi ve ngam se la a va tha dawn em?
9436193805
——————

Sorkar chak loh avanga kawng chhia, motor kal ngam lohna a va tam sawt ve. Sorkar chak tak kan la ti zel ngam dawn em?
9774354495
——————

Hachhek tlangdung chu an kawng a chhe lutuk a, vawiin atangin sumo service an chawl dawn a ni awm a, a zia lo thin ngei mai.
Kimkimi
——————