Fakselna 6th July, 2018

0
444
views

Bru ho chuan min rawk a ni ngawt a lo’m maw le! Pathian nung bia inti hian eng rilru puin nge hetiang thil hi rem a tih mai le? Bru ho thu hnuaiah kan awm ta a va ang ve.
9862216410
————-

NLUP Implementing Board bultuma Art & Culture Deptt. ten Zohnahthlakte hnam lam intihsiakna an buatsaih hi hnam inpumkhatna atan thil \ha tak a ni a, chutihruala rilrua lo lang chu state rethei ber leh Assam-in kan ram an luah reng chung pawha ram leh hnam khaichhuah tumna reng awm lova thil tihpui leh k<t tih vel te, l^mah te ‘Retheiten lei rem an lo rah vena tur’ tia an sawi, NLUP an inrawlh tir zel mai hi chu lei rem rahna tur ni lovin mipui hip nan leh party tihlenna mai a nih hmel. Thing leh maute pawh NLUP-ah chantir vek mahse, hrawk bawk chunglam mai a ang tlat.
Tlabung Uitangrual
—————-

Rorelna pakhat hnuaia Zofate awm hun hi a thlen kei chuan ka beisei lo. Lung tileng romei zam ang vel a ni ang. Mizote hi danglam taka siam kan ni a, hmun dang dangah khawsa-in, inhre ngai lo mah ila, kan inunauvin kan innel thei zel hi kan danglamna a ni. Hei tak hi kan danglamna a ni a, kan awmna hmun hrang mahse kan rilru a \hen hrang chuang lo hi a ropui. Hmun khata awm khawma, rorelna pakhat hnuaia awm hi zawng beisei lutuk lo ila, lei lehlama awmte nen kan Mizo zemawi hi vawng tlat reng ila, chu aia inpumkhatna \ha a awm chuang lovang.
RK Sanga
————-

MLA Election kan lo hnaih leh ta a. ZPM pawhin \an an la thar viau a. Mahse Chief Minister Candidate-ah Pu Lalduhoma bawk an rawn vawrh a. Super CM ka ni ang a la ti deuh deuh a. MLA a nih lai khan MLA zingah khan a super-na a lang chuang si lova. ZPM hi beiseina sang takin kan lo thlir vena a bo vek mai. Mipuiin Congress paih an duh a, ZPM-ah rinna a nghah ngam leh chuan bawk si loh chuan duh loh rau rauvah MNF hi zu zawrh tihtawp tum an ni bawk a, sorkar leh se a \ha ka ti ta ber mai.
Mr. Hooda
————

Kum 4 dana thleng \hin, nghakhlel taka kan lo nghah ve World Cup kan han thleng ve ta chenga, State khat khawpuia cheng ve meuh siin current mumal loh vanga kan han eng \ha hlei thei lo tlat mai hi chu a va buaithlak tehlul em. |henawm State Tripura ten kum 30 chhunga power MW 1800 chuang thar chhuaka Bangladesh-ah 300 MW an hralh tawh laia, keini khawvela tuikhuahna nei \ha ber ram zinga miin kum 33 chhung CONGRESS leh MNF kaihhruaina hnuaia 10 MW ngawr ngawr a function \hat theih lai bera min thar chhuahpui thei ve \awk hi chu a zahthlak vawng vawng a ni e. Hawh u, Zofate i harh ang u. Nawhchizuar ang chauha min ngaia, min lilama, anmahni ham\hat nana sum leh therhlo hmanga mi thlem ching leh lei min tumtute hi i hnawl ngam tawh ang u hmiang.
Aizawl Tlangval
————-

Hawh teh u, Kohhran leh tlawmngai pawl hrang hrangten an duh loh zu zuar party Congress hi huaisen takin i vote lo ngam teh ang u. An tlin leh vaih chuan an mi runluih nan Heroin-te pawh phalna neiin an la zuar duh mai anga, mi engemaw zatin an thihpui zawih zawih hnuah kan enchhin an ti leh hlauh dah ang e. An kaw chhungah ramhuai sual a lut emaw ni tehreng ni.
RODY PA
————-

ZONET Zing Daifim hi ka lo ngaithla ve ziah a, damdawi in repot leh jail tang thlengin kan lo hre thei a, a lawmawm rualin lawm lohna ka nei fo ta mai. A bik takin Zoram khawpui bikah te hian Zoram hmel lanna pakhat chu jail hi a niawm e. Zing tin mai hian tang zingah HMEICHHIA pahnih khat tal an awm ve ziah mai a. Ram hmasawnna leh rinna kawngah pawh a darthlalang lian ber chu jail hi a ni awm e, kan khawpui ti\awp bertute pawh hi pherhho leh hmeichhia awm \ha duh lo, zan vak hote hi an ni awm e. Inngaihtuah harh chu kan ngai a ni. Chunglam pawh kan dil uluk a ngai tak tak ta.
RENTHLEI CABIN
————-

Thil mak a thlengte a nih loh chuan Congress emaw, MNF sorkar kan hrawn leh ang. ZPM tan kawl a la eng rih lo.
VL Ruata
————-

ZPM Party-a beiseina nghat anga lang Congress leh MNF rawn sawiseltu zawng zawng kha ZPM-a sorkar hlauh chuan chan \ha changa contract tam tham deuh beiseitu vek in ni. A thuhrimin ZPM hi a ding chhuak dawn lo, MLA pawh a nei kher lo ang tih hre rual vek in ni.
Lalrinfela
————

Mi tu pawh rahbi tleu laklawh chu thawh chhuah leh a harsa. Chuvangin Pu Hawla pawh hian mi rethei rahbi tleute khaichhuah nan NLUP hi a siam a ni. Chutiangin Pu Duhoma pawh hi politics-ah chuan a rahbi a tleu laklawh a ni e, a tan dinchhuah a harsa ang.
Duata pu
————-

Bike ruk hmang an huangtau ta lutuk hi kan police te hian a check thei ngang lo em ni aw. Bike bo hmuh let leh pawh a tam bo hlen ta pawh a tam, rukruho hian kan police ho hi an ngainep sawt hle niin a lang.
8787737458
————-

Milem biate politics sala kum 70 kan tanna chu a lo tawp dawn ta. Kan \awng\aina chhangin Lalpa’n party politics min cancel sak anga party sorkarna thlei bik nei sorkar a bo tawh ang. Inchuh hnama min hruailuttu milem be politics bansanin kan pianna Mizo nun mawiah kir lehin ‘sem sem dam dam, ei bil thi thi’ tih nunah kan kir leh ang. Lal inchuha pawisa hmanga inlei leh hralhin awmzia a nei tawh lovang. Democracy dik tak kalpuiin eng party mah ruihchilh lovin \awng\aina chhanna umzuiin vote kan thlak tawh ang. Mahni inzuar a, midangte sawichhe lovin Thlarau Thianghlima hrin politics – ‘Beram Huang Thar’ (Zoram Thar) politics tharah a chhiahhlawhte hmangin RORELNA THAR min pe dawn ta. Halleluiah amen.
Zaichhawna Hlawndo
————-