Fakselna 7th July, 2018

0
536
views

7th Pay seltute hian sorkar hna han thawk ve chiah se zawng an iak an iak tho ang em? Sorkar hnathawk hlawh hi ram chhunga pawisa tual leng ber a ni. Sumdawngte ber ber te sum hmuhna ber chu sorkar hnathawkte hlawh a nia.
9862153088
————-

Tlabung Uitangrualte u, in thu leh hla a puitlingin ngaihthlak a nuam \hin, rawn che zel teh u. Kan ram leh hnam siam \ha tur hian khawdur chu a ngai a ni. Kha lamah khan tunlaia kan boruak tawn chhoh \an mek politics thli chhia a rawn leng \an ve em? Saipui kallai chu Uitangrual chuan bauh din theih in inring viau a nih kan ring ve thla rawk a, dik tak maw? Pu Damhauha’n Fiara tui hla thu mawi lutuka a phuah, “Luang ang che, damten luang del del la, thlangkawr vai reng dai kawmah, hming\hahluan thang” tih te pawh min hriat chhuah tir hial ta mai. Kan ram hi eng anga luang zel turin nge kan duh? Tlabung Uitangrual te u, han au zel phawt teh u.
RENTHLEI CABIN
————-

Enga tinge current hi a mumal loh reng le? A siam \hat theih hlawl loh nge, ngaih pawimawh tawk loh vang zawk? World Cup lai pawhin inkhel pawimawh pawh kan en hman mang lo chu a ni e. Hetiang reng hi a ni zel dawn em ni le? Thil awmzia leh hmalakna tal hi lo puanzar a van hun tawh ve.
7005159154
————-

Heti tak maia kan ram tluk chhiatna leh retheihna laka hruaichhuak leh tura IPS nihna hial kalsana, lo pen chhuak Pu Duhoma’n SUPER CM hial Zoram mipuite min tiamna hi thil na mai a ni hauh lo. Kum 33 chhung min lo hruai tawhtu Pu Zorama leh Pu Hawla te hian min tiam ve ngam em? He mite 2-in Zoram mipuite min thlen chin chu kan hria a, kan hmu vek a ni lo’m ni? Anmahni leh duhsak zawngte an hausa em em a, \halaite leh kuthnathawktute erawh kan ram chhung ngeiah kan vakvaiin kan beidawng a nih hi maw! Heng zawng zawng siam \haa, kal dan phung thar tun din tumtu, ZPM hi kan ram innghahna awm chhun chu an ni e. Duhthlanna chu kan ta a ni.
ZoNehemia
————-

Zoram mipui Kristian te hian eirukna, corruption hi kan duh lova, kan haw tak tak a nih chuan kan chanvo, mipui sum eiruk leh chheprelh avanga eiruk thubuai awrh mek, patling pahnihte hi i hnawl tawh zawk ang u hmiang. An ninawm tawh em mai.
Jonathana Pu
————-

Ka \an loh ber Brazil an tla ta. Tui takin mu ang. Pathian \ihna a nei loh vangin Neymar a vannei lo. Romario a ang lo.
9436352301
————-

YMA leh PWD kawng siam chhiat chungchanga inremna siam chu verther taka YMA te bengchheng \hin KA HUP NAN a ni zawk lo maw le? Lo en ang hmiang!
Zopa
————-

Mizoram hi a chinchang kan hria. Mahni rama thlai \ha duh em emah pawh kan la intodelh thei lo. Buhah phei chuan kum tir a\anga kum tawp thleng vai buh ring hi 95 percent aia tam mah kan ni ang. Ni hnih khat lek buaia rampum manganna thleng zel dinhmuna kan la awm reng mai te hi a pawi ngawih ngawih. A zahthlak bawk. A chhan ber pawh kan thlantlin political party te nep vang chauh a ni. Party-a tui em em te pawh hian kan party tuina ngei pawh hi dem ngam a \ul. Tun anga kan kal reng chuan kan ram hian intodelh hun kan thleng ngai lovang. State hnufum leh huaisen thei miah lo nih reng hi a Kristian lova, a Mizo lo takzet a ni.
RK Sanga
————-

Congress leh party dangte hian ZPM an huphurh lutuk avanga sawi chhiatna tinreng an han vawrh darh vel hi chu nuih an tiza ngawt mai. Kan ramah hian kan \hat tlanna tur leh raltiang kan kai ve theihna turin ZPM party hi kan thlantlin ngei a ngai tih hi i hre thar leh ang u.
9862322234
————-

In fakselna huangah hian ka vei ve zawngte ka rawn thawn ve \hin a. Tihchhuah duh leh duh loh hi innei lutuk niin ka hria. A theih hram chuan Pu ZONET min hmaih bik kher tawh lo la. Hetiang deuh hian kan tlangval zual laia kan khaw \henawm nula pakhat pawh khan ka ngaihzawn tehreng nen a der tak ngial pawhin min duh der lo mai a. Hunte a lo ral ve zel a, kha nula kha fa panga lai a neih tawh hnuah a rawn nuthlawi a, keia kar val senior pui tawh chu min rawn duh thar leh ta thut a, keia pawh chu fa panga aia tlem lo neih hunpui tawh ni mah ila, sirah ka lo hnawl ve khang kha lang a. Politician ho pawh hian ka vote-a tling ve nih hi an inchuh nasa thei khawp a, min rek hlum lo chauh \hin. Inthlan zawhah erawh an tlin pawn tlin loh pawn kan intheihnghilh vang vang tawh thung a, an lal ngat phei chuan engtin ti lo mah ila, min ning tawh em em mai a ni.
Tlangvala
————-

Phone i lei dawnin Servicing center awmna zawt phawt la, va en thlithlai chhin phawt rawh. Customer lungawilo an lo zi nuai nuai a nih chuan chu Brand chu lei duh reng reng suh, i la buai ve ngei ang. Siam \ha thei mang si lo, a hnu reilotea chhe leh mai, pawisa erawh an charge \euh. Servicing center chu an inti ve tho, fimkhur rawh ka unau.
BROTHER MOZES
————-

Pu Hawla leh a hote hian NLUP hi Zoram tana hmasawnna, mi rethei leh harsa khaichhuahnate an ti vela, a teuh lo lutuk. An party tan chauh a ni, an party mi ni lo, rethei tak tak dawng lo an tam lutuk. Vawi khat mah Zoram pum huap chuan sawi tawh suh se. Dawt sawi hmang thlan lal chi an ni tawh lo. Mipui zawng zawngin i hria ang u.
Bawihtei pa, KK
————-

Zoram khawvel politics inlumlet hi ka thlir ka thlira, kumin hi kan ram aiawh tur te kan thlanchhuah kum a lo ni leh ta reng mai. Kan political party hrang hrangte pawh an \ul ta hle mai. Kan hriat \heuh angin rorel lai Congress chu kan hre tawh, an rorel mek laia mipui leh inkalpawhna kawng min suasam sak dan chu sawi loh hian a fiah zawkin ka hria. Pawl thar, ZPM a rawn ding ve leha, anni pawh an hming chiah a thar a ni mai. An hruaitute pawh hmana kan hriat hnu te tho kha an ni a, inthlan dawnah hmingthar puin pawl te reuh te te kha an inzawmkhawm a ni mai a. Inthlan zawhah ‘\in dialah, \in dialah, mahni party office lam hawi \heuhah’ tiin darh leh sang sang tur kha an ni a. Kei chuan an lakah ka beisei a sang vak lo. Chuvangin kei chu Mizo tana thi leh thau pawlha zalenna lo sual tawh tute party, MNF hi ka awn ta ber mai.
Peka pa
————-

Party \henkhat hi chu policy han sawi tak tak tur pawh nei lo. An hmuh hnuhnun leh mi sawi an hriat \ha deuh nia an hriat copy ve mai mai. Pawl pakhatin sum an sem an hlawhtlinpui nia an hriat avanga kan sem ve dawn, cheng nuai thum tih leh pawl dangin kuthnathawktute thlai thar lei an ti a, mipui pawl leh kohhran pawhin an tuipui nia an hriat avangin keini pawn sawhthing lei ve kan tum an ti leh a, mi thil tih entawn reng renga mahniin tum mumal pawh nei lo hi mipuite hian an ngaisang viau lo che u.
Hruaia
————-

Tukin, ni 7.7.2018 Rev. Chuau\huama huang thuziak hi bel sual palh a ni ngei ang maw? Tihsual palh hi chu a awm ve \hin reng a nia hringnunah hian.
8794680484
————-