Fakselna (7th September, 2017)

0
417
views

Dik taka sum hmang tura inzirtir hi a \ul reng a ni. Mahse, a zirtirtute lam hi dik phawt ila, entawntlakin awm ila, chuti lo chuan thil rimawi satliah a ni mai. Pa ber a ruih fova, zu in lo tura fate zirtirte pawh a an theih ve tho mai.
Lala
—————

Zan lam Fakselna huna power supply tawp fo hi a zahthlak. Sumdawnna emaw ti tlattuten kan ram an hruai rei ta lua e. Kum 10 zet rorelna hun changa, thlan nawn leh chakawm hauh lo kan nih chuan mipuiin min thlan chhan angin hna kan thawk lo a ni mai. Mizote hi hruai nuam tak kan ni a, kan beisei ang hi hmu ngat ila, ka peih tawh lo an tih hnuah pawh ‘A! La ti leh hram teh’ kan ti ngawih ngawih ang.
RK Sanga
—————

Sikul \an hma leh tlai thu ngaihdan sawi ho kha ka lo ngaithla ve a, kum thum kan han hmang ta a, a chhiat leh a \hat chu a chiang hle tawh a, a en chhinna mai a ni a, a chhiat leh \hat engmah a la hriat loh titu te kha chuan kum engzat tak en chhin nan duh ang maw? Kar khat lekah pawh a \hat leh \hat lohte chu a chiang reng alawm le? A ngai khan kal leh mai mai sela a \ha ber mai. Tih dan ka thlak e, de de ti lovin.
RODY PA
—————–

Aizawl khawpui motor tawt tiziaawm tura hma lakna an sawi hi an ti thei ang em? Sorkar motor pawh intlan chhawk tur tih hi eng ang tak ni ang maw? SORKAR Office kalna tur motor te, kal loh ni a awm chuan a va fel awm lo ve? Thil kalphung a ni em? Kan Officer-ten an tlin tak tak ang em? Kawngsira motor dintir zingah pawh tih ngam leh ngam lohte kan awm tih a ni si a. Party Manifesto \ha tak ang lek a ni mai ang em? Tih tak tak tur chauh hi puangzar \hin ila.
PH FANAI
—————

Kristian ram kan ni a, Politics kan khel a nih pawhin Pathian i dah lal ber \heuh ang u.
9402108995
—————-

Kawnpui leh Sairang inkar, NH 54 Mizoram ei leh bar phur luhna kawngpui chhiatzia hi Tlabung uitangrualte khan rawn hmu ve-in rawn kal ve ulang chuan, MNF leh Congress party hi kei leh ka chhungte chuan kan vote lo ang.
Brokenheart
—————-

Mizoram hi District Council kan nih a\anga kan chhut chuan kum 2017 hi kum 65-na a ni a, India hmarchhak state zinga kan inteh chuan engvangin nge kan intodelh loh em em bik aw. Kan ram hruaitute leh kan khawtlang hotute leh mipuite pawh hian kan ram hi kan hmangaih tawk lovin kan ta neih tawk lo em ni? Kan rama Kristian-te hi i harh chhuak thuai ang u. Thlarau mi kan nihna hi kan ramah hian lang chhuak hram teh se, khua a tlai hma hian. New Mizoram siam turin kan mihring hlui kha hlip thlain i intuaithar thuai ang u. Party ngawl leh nihna ngawl i vei lo hram ang u, kan ram kan rethei tawh em mai. Kan ram tan hian engnge ka tih zawk ang tiin rilru i siam thar thuai ang u.
Tlabung aw
—————–

Tunlai kan \halai tam zawkten politics an ngaihven peih lohna chhan leh tenawm maia an ngaihna chhan ber nia lang chu an pian hma daih, kum 30 chuang kal ta a\anga tun hun thlenga ram hmasawnna tluantling tak tak, ei leh bar, Power, \halaite hmakhua aia mahni inhai vur \hin leh dawt sawi hmangten eizawnna emaw tia ram an hruai \hin vang hi a ni. Mahse, heng zawng zawng hi TITAWPa, Zoram hi din thara, siam \haa, \halaite leh mipuite beiseina thar siamsak leh turin ZORAM PEOPLES MOVEMENT (ZPM) a lo piang ta. Zoramah hian KALPHUNG THAR thlen tir kan duh chuan anni ngei hi Full Support i pe ang u.
Jonathana Pu
—————

Tun kum MPL 6 chu kum dang zawng aiin a hmuhnawm. MPL 6 khel zawng zawng te CHAMPION tum ngei turin duhsakna sang ber ka hlan che u. Club hrang hrangte he thu hi vawng reng tura ka chah duh che u chu ‘PHUBA LATU AIIN NGAIDAMTU NIH A ROPUI ZAWK’ tih hi.
BRANDON JnR.23
————–

Hontrade International |hazual Lengzem hi ka lo en ve \hin a, tuna pakhatna ni mek, DJ Lalvenhimi hla hi ‘Ka tan a chuai’ tih a ni lo’m ni? Eng vangin nge chanchinbu leh an puannaah hian ‘Ka tan i chuai’ tih a nih daih le? Nge a hla hi in la ngaithla lo zawk em ni? Han siam \ha teh u.
Samuela Chhangte
————–

CM Hawla chuh! Zo carbon leh Lottery chungchangah Babutea hote chuan an va ngam ta ve? Meikhupin a tlanchhe dawn em? A thu hrimin CM nih ch^k pahnihte hian nihna chauh um lovin, kan ram hi hmangaih sela, mahni inhai vur hi sim sela. Laina hnaite nena compensation lak chiam te, party mi chauh duhsakte hi sim tawh sela, hmui chauha ram hmangaihte nen hian a lawmawm khawp ang.
Suitzerland of the East-a
—————

Mizote hi Kristian vek niin kan inchhal a, hei hi a dik lo a ni ang. Kristian vek ni ila, corruption, ruk ruk, sex hman sualna, ruih theih thil a tam lo ang a, kan thatchhe lo bawk ang.
Beidawnga
—————

Kan politician-ten ram changkang leh hmasawn ve deuh ni tura \an lak leh hnathawh an thiam duh lo tlang puiin an thiam ve dan lah a ‘Kachha’ na rawh. Sorkar officer lian ho lah chu an vai deuhthawin mi pamham, hnuaia mite ham\hatna hmuh ve theih tur dan leh hrek beh nuam ti tlat, pawn lam lan danah chuan nalh pui pui leh mahni awmna Kohhrana challang (upa te ni fur) ni lawi an ni a. E khai khai…mi naran leh hnuaihnung deuhte hi engtinnge kan awm zel tak ang le? Dawrkai tam ber leh thlai lam chi zuar ho \henkhat te lah hi aw…
8414883986
—————-

Congress leh MNF party hi lian tawk leh tam tawk an inti ve ve a, hei hi a dik lo. Congress ni lo, MNF pawh ni lo vote hi zaa sawmruk zet a ni zawk.
Malsawma pa
—————–

MNF \halaiten tun sorkara thil dik lo awma an hriat, Lottery leh Mizo Carbon an ti emaw ni CBI chhuitir an phut hi a \ha ka ti. Hei chang ni lovin MNF kum sawm lal chhunga thil dik lo media lama langte pawh kha chhui tir vek \ha ka ti. Sorkar leh zel turte pawh an fimkhur theih nan.
VL Ruata
————

Kan kawngpui chhe lutuk leh khawpui chep lutuk hi chu aw, kan sorkar lah chuan a ngaihna a hre ngang bawk si lo. A ngaihna hria kan va mamawh tehlul em. Mahni party party sawi a hun ta lo.
Faktea, Chaltlang
—————–

Pu Zonet, zu zuar reng chunga ruihhlo \hat lohzia sawia au dum dum leh si hi kan ram hruaitute tih fo atan chuan a inhmeh lo i ti ve em? Kawng chhiat avanga MAXICAB kal duh lo leh kal thei lote hi vei ve zawk se, mi tam tak tan harsatna a thleng tih hi kan CM hian hre ve mai teh se. Kawng pawh a ang tawh lo, khamrang a ang tlat.
KHAWTHLANG MIZO
—————-

ZNP, PC, ZEM te u, khawi hmunah emaw Pathian fakin, lengkhawmin, zai ho uar ula a fuh phian lo ang maw? Chutiang a theih loh a nih ngat chuan politika inluan khawmna hi mihring taka a theih intih leh si chuan leh!!! A bain Pathian hming in lam ve mai mai a ni dawn lo’m ni? Chutiang a nih rau rau chuan Kristiante tana him lo, BJP party-te pawh hi kan ram ngeiah pawh a piang ve ta a, sawm tel leh law law ula a lem chuangin kei chuan ka hre lo. Tu party emaw chuan a lang apau chuan zam lo angin an lang naa, hmanah MP thlannaah khan an pui nia!!!.
THLIFIMA, BKVT
—————–

Eng nge? I hria em? tih hman tam lutuk hi a zahawm lo ka ti.
Duhtuia
—————–

Aizawl free traffic jam programme ropui taka Vanapa Hall-a hawn kha engnge a chanchin ni zel? Sorkar hian a keng kawh ngam dawn em?
Lalringa
——————

Kan sorkar chak tak an tih fo, a chakna hmuh tur awm chuang si lo chuan kawng chhiat chhanah ruahtui bawk maw an puh leh dawn? Kawng siamna hun awm miah lovin kuminah ruah a sur reng lem em ni? Tin, tuna kawng chhe ho hi ruah sur hnua chhe thut ta an ni vek em? Siam\hat tum ta se, siam\hatna hun a tam lo maw? A tawp nan, kan inthlahdah avanga kawng chhiat apianga ruahtui kan puh ziah mai hi malsawmna ruahtui min petu Pathian pawh a zahawm deuh tawh lo maw?
9774354495
—————-

Kawng hi ruah vanga chhia a ni lo, kan siam dan a chhiat hrim hrim b^kah kan ngaihthah lutuk vang a ni. Mipui kan zah miah lo a, kawng chhia pawi tihna kan nei miah lo bawk a, kan rilru hi mihring pangngai rilru pawh a ang tawh lo. Eng ang NLUP leh NEDP pawh buaipui ila, thlai pawh engzat pawh thar ila, a hralhna leh a veivahna kawng chhiaah chuan eng tihna mah a ni dawn chuang lo. Kan hotute hi an zahpuiawm takzet a ni. An chhuanlam hi pawm tlak a awm lo hrim hrim.
Thangchhunga, Aizawl West
————