Fakselna 8th August, 2018

0
534
views

Taksa fai taka kan inenkawl hian kan rimchhe tur a veng a, chu chuan min ti confi ve a ni. Mahse, Lalpa hmaah kan confi phah chuang miah lo.

Krista thisena silfaina kan chan hian kan rimchhe tur chu a veng ber a, Krista thisen chauh hi kan inbual faina tur chu a ni.

Krista thisen hlu chauh hi kan tlinna awm chhun chu a ni. Krista thisena silfaina chang si lova, Lalpa hmaa lan mawi tum chiam hi awmzia a awm vak lo.

Rinna lova kan thiltihte hi engmah lo mai a ni. Chuvangin rinnaa thilti turin thisen hnathawh hi kan rin tur awm chhun a ni.
9862657613
—————-

ZONET Mizo Idol Audition Serchhipa neih host hi khawilam SIAL nge a nih le? A tuihnaiin a van piangfuh kher ngai ve le.

Ronald VLC
————-

Tukin zing High field lama ka kal chu mi pakhat hian naupang lu thi hnuang mai hi mangan hmel takin a rawn pawm thlaa, enga tinge ka tih pawhin min chhang lem lo. A chhakah chuan scooty kawra tla hi mi \henkhatin pawh chhuah tumin an lo bei laih laih a, ka bula mi ka’n zawh chian chuan ‘sikul naupangin khalh an inzirtir a’ tih ringawtin min chhang, ka zawt thui ta lo. Nu leh pa tam tak hian kan neih avang ngawt hian kan fate kumtlinglo leh zirna mumal nei lo hi lirthei i khalh tir mai lo ang u. Thuneitu lam Traffic Police pawh hian school kal hun leh ban hun hian school peng tin hi uluk zawkin vil ta se a va duhawm em.
LT Ralte
————–

Chhimtuipui kualkhung bial S. Vanlaiphai, Sangau, Bualpui NG muhil an harh ta. A geographical area en ringawt pawh hian district mai ni lovin independence pek awm an ni a sin Pu ZONET.
F. Lalchama, Muallianpui
————-

An sawi luai luai NLUP hi a thawm a nain a lo \ha awm ngawt mai. Opposition ho rengin an hlau mai. Congress party-in NLUP kan sem dawn an tiha, an sem lohna tura theihtawp chhuahtu eptu MLA te meuh pawhin sem ve an chak a. Nu hruanghruau deuh pakhat hmachhuanin Court-ah te hial an khing a nia.
Ka nuih za lutuk hi ka nui kaih mai dawn e.
Tlangvaltea, Aizawl
————

Kum tawpah MLA kan thlang leh dawn ta a, vote thlak hi mitin mawhphurhna a ni tih a nih mek lai hian mi \ha thlan tur hre lo tan chuan a ngaihna tak a awm lo tih hi hriat tel ve ni \hin se.
LB-a Pa
————

Kawng sira motor riah leh dah kan va tam leh ta em. AMC leh Local Council lam hian hma han la teh se inthlahdah mai lovin. Veng \henkhat Local Council an \hat viau laiin veng \henkhat Local Council erawh an inthlahdah ang reng khawp mai.
Liana pu
————

India ram chhung State lianah vbc 60 eirute pawh an ngai pawimawhin CBI-te an chhui tir a. Keini ram ngeia vbc sing chuang fe bote phei hi chu ram dang ni se chuan an zuah lo tawpin ka ring. Heti chunga la pawr zaw mahte pawh hi Mizo mipui min tham loh vangah ka ngai. Eng nge inngaih ve dan ni ang?
Reform Prism-a
———–

Kan sorkarin zu chhiaha hlawkna a hmuh let sang tel hi vai ramah hian a luang ral lo em ni? Kan sorkar leh tlawmngai pawl lian berin kan \halai suattu ber leh chhungkaw buaina thlentu ber zuara an do ngam lo hi ram hmangaihna tak tak zia a van kawk lo ve.
SOFIA PU
————-

Congress leh BJP hi an dang chuang lo. Vai party duhdan thuhmun vek. An danglamna erawh kum 70 sorkar hnuah pawh India an tichhiaa, Eco-ah kan tlahniam a, BJP tlem an sorkar chhungin ramin hmalam a pan a ni. Pu Hawla erawh zawngin Pathian aiah vai Pathian ringin, Kristian lemchang mai a ang ka ti khawp mai.
9612880873
—————

Falkawn Hospital Congress sorkarin a lo din, duhdah tak maia MNF sorkarin kum 10 arvulh nan a lo hman \hin chu Medical College puitlinga hawn a ni ta. A va lawmawm tak em. Tuirial Hydel Project-te pawh duh tawka a zung nena an suasam pawh hawn a lo ni ta. Ti muang tute khan engtin nge inngaih le?
8794034140
—————

Zonet chanchin thara, Lalrinawma’n NLUP hi ram leh hnam dinchhuahna tur leh, retheiten leirem an lo rah ve theihna tura an tih, Congress ta bik ang maiin MNF te pawhin sem ve an chak ti khan a sawi a. I sawi zawng pawn i nihna a lang tih ang deuh a ni. Retheite ta ni lovin, party ta a nihzia a ti chiang tlat. MNF chuan SEDP hi party tihchakna tur leh mi hip nan ringawt a sem ve dawn lova, khawvel hmun tina Zohnahthlakte belh tlak leh chhenfakawm kan nih theih nana ram leh hnam leh sakhua a lo changkan theihna tur a ni a, chak vang ngawta sem chi a ni lo.
Tlabung Uitangrual
————–

Pu Hawla leh a pawlte hian zu hi ruihhlovah a ngai lo a nih chuan zu leh zurui an man hremna an pek tawhte pawisa chawi tir te leh Jail-a an khung tawh hote kha dan bawhchhe lo an va hrem tam tawh em. CYMA hruaitute ka an hup ta mai em ni? Zofate rilru hian AR bo a zawng ta a nih hi. Kohhran tal chuan ruihtheihthilah a ngai em ang chu.
RZ Ralte TD
—————

Mahni vei zawng i’n auchhuahpui leh teh ang aw. Zu lei phalna (permit) neite RTI dan pawha a neite hming lakchhuah leh en pawh phal a ni lo hian ka dawn a va ti sei tak em.
Biaka
————

Keini Mizo Kristian intite hian kan nundan leh kan khawsak dan te hi ngun taka kan inenlet a va ngai tawh tak em. Kan inkhawm chhan te hi kan nunpui hlawm tawh hek lo. Mi ngaiha \ha leh fel ni duha inkhawm mai mai kan ni vel ta-in ka hria a tam zawk hi chu. A \hen lahin sum te hi lungte hmana an hman laiin a \hen lahin kawla ni chhuak chhiara thlan tui far zawih zawiha kan thawh pawn kan ei \awk \awk mai si a. Sem sem dam dam tih hi chu khawi lam, khawi lam hi a ni ringawt mai. Kan inenfiah tlan chu a hun tawh. Pathian thinurna kan tawngbaw mek a nih hi.
Marami Chawngthu
————-

ZPM an ding \an tur leh an han ding chho \an vel kha chu Pu Vanneihtluanga kha a phur hle mai a, a thawm a rehin TV lamah te hian a hmel hmuh tur a va vang ta ve! Hmanlaiin sa hliam an bei dawn a, pa pakhat chu tapchhak zawlah a huai hle mai a, \hiante tan chuan a thlamuanthlak hle a, sa hliam chu a tukah chuan an han bei ta tak tak a, a hma zana pa pakhat chu a bibo ta daih mai te kha ka hrechuak rum rum ta mai a! Kei chuan CYMA hruaitute pawh hi chuti tak chuan ka ring em em lo. Ruihhlo do kawngah hian sorkar nen an thawhhona a \ha em mai! ZU HI RUIHHLO PUI BER a ni si a!
SANGA
————–

Zonet Mizo Idol thlannaah hian District dang zawng zawngah chuan tih takzetin an endikin ka lo hre ve a, (a bik takin Kolasib). Aizawl District endiktute an uangin an fiamthu mah mah. Contestant ten theihtawpin nervous chungin an rawn inlan a ni si a. A hun lova uan reng mai chu a nuihzatthlak miah lo a nia.
9862859675
————-

Bru leh Chakma chungchang han sawi hi chuan Congress leh MNF chungah hian mit hi a fu ta \hup zel mai a nih hi mawle. He Party pahnihte hi an vote it avanga inti lulingtute an ni miau mai si a. Hmanni maia CHAKMA NATION va tiamtu Pu Zoramthanga leh Bru ho an awmna Camp Tripura-a kalchilha an party-a LAWMLUH zuk tumtu Pu Lal Thanhawla te hi hemite pahnih chiah hi an ni. An vote it avanga kan ram \hendarh pawisa hauh lotute chu eng angin nge Mizo fate hian kan ngaih le? Ngaihtuah chian a va hun ta em. Heng kan buaina chingfel tur leh Zoramthar siam leh tur hian ZPM-ah chauh lo hi chuan beisei tur a awm ta lo. Hawh u, Zofate i harh ang u.
Mizo Tlangval
————-

Tuna MNF party mi leh sate khawsak dan hi ram tana nunna hial lo hlan tawhtu hnam sipai huaisente khan engtin tak ngai ang maw? Hruaitu langsarte lah eiruk thubuai an nei fur hlawm si. Ram tana Martar-te pawh an zahawm rum rum a lawm mawle. Tuna eiruk thubuai neite laka party zahawmna humhim nan MNF hian hruaitu thar a mamawh takzet e! MNF kan ram tan.
John pachuau
————-

Idol Round sang lamah chuan hmeichhia Judge atana kan duh leh beiseite chu RTC-i emaw, C. Luri te ni thei hram se. Kan hmuh chak ber Makuri a theih loh takah chuan hmuhnuam leh tawnhriat ngah kan hmu chak a nia. Host-ah lah Zonuni ni tops.
Idol Thlirtute
————-