Fakselna (8th September, 2017)

0
1079
views

Party pathum thawk ho tur chu han en mai chuan a \hat hmel purh a, thil reng reng hi a landan ang a ni lo fova, Mizoram politics khelh danah hi chuan Vanram kai tum chuan thuk taka inrawlh loh hi a him berin a lang. A hrim hrimin thawh ho hi kan thiam lo, buhfaia a hum leh sehrep awm ang chauh an ni ang, kan ei thei lovang.
919436958149
—————–

Congress leh MNF-te khan lo hre teh u, in ram hmangaih lemchan kha Zoram mipui hian kan hre chiangin kan ning hlei hlui tawh che u a nia. Kum sawm chuang ve ve ram in enkawl tawh. Tun dinhmun chiah hi min thlenpui thei \awk a nih hi kei pawh hi. CM niin ram kaihruai ta ni ila, America ang ram changkang economic intodelh ang khuan ka siamin ka hlangkai tawh ngei ang. NEDP tih leh SEDP tih vel hi kan ram changkan nan a lak tlak loh tih hi kan hrilh ang che u. Mizo mipui bum nan in sum siam tumna, NEDP leh SEDP hi hmang tawh lul suh u, ram mipui hian in dawt sawi hi kan ning tawh teh mai a nia, kum 2018 inthlanpuiah chuan Zoram kut hnathawktute chuan Market hre sa-in vote kan thlak tawh dawn tih lo hria ang che u.
Sawmhlua pa, Kolasib
—————-

Lottery sum chungchang chhui tura CBI ko lut tura MNF ten CM hnena memorandum an thehlut kha a \ha hle mai. Mahse, chumi rual chuan kum 10 chhung an sorkar laia thil thleng zawng zawngte kha chhuitir nghal vek law law se a va \ha dawn tak em. Baffaco chungchangte, kan sakhua puithiam thih dan chungchangte, vawiin thlenga thamral ta mai maite hi han chhui chhuak sela a \ha ngawt ang. Tichuan, mipuite hian mi \ha leh \ha lo chu kan hre mai ang.
Khiangte ngat
9856536040
—————–

Nizan Fakselnaa Broken Heart inti khan kan CM Pu Hawla’n duh taka mawi leh \ha a tih em em mai, a hming a phuah Uitang i rawn sawi chhe vak ringawt mai kha mahni infak leh sakhi ngala engmah bet si lo, mite sawi chhe vak vak ringawt \hin kha nge i nih a, Saipuitar kal \ha peih tawh lo, mahni pumpui hmakhua chauh hria i nih aw? I hming a\ang chuan mi vanduai tak zawng i ni phawt mai a!! Kan pawlah hian rawn zuang lut ve vat mai rawh, khua i tlai hma hian. Ram leh hnam tan chuan himna kulhpui ber a lo ni e.
Tlabung Uitangrual
—————–

Le, kan Zoram kawng chu heti khawp hian a chhe ta bawk a, siam \hat chu a ni leh dawn ngei. Siam zawh veleh kan khaw kawng contractor hming leh Minister hming tar kuau hlawm ila, an siam zawh ni nen, engtia rei nge a daih? Tunge hna thawk \ha chu a lang mai dawn a ni. Milar leh zaithiam hming serha sak ai chuan a thawktute pawhin an uluk ngei ang le.
KAMTAMA, MSV
—————–

Naupang school \an hun hi tunlaiin sawi thar leh a awm thar leh ta bawk a, darkar chanve tal a belh theih leh hram chuan a va \ha tak em. Dar 8 hi chu a buaithlak lam deuh a ni. Ke-a kalpui \hin tan phei chuan a hahthlak lam deuh a ni. Nu leh pa kan buai phah lutuk, keini ang pahmei te te tan phei chuan a hahthlak em mai!
9615174245
—————-

Tunlai set top box vang hian TV en a va har ve le. A changin a lang a, a changin a lang lova, a buaithlak hle mai. En tui lai taka tawp thut \hin hi chu thawktute koh leh an kal thei si lo. Box neih hma kha a ngaihawm \hin, a s<t leh theih lo maw? Duh a en tluan theih si lo, a buaithlak khawp mai. Kan changkanna hi ka zo ve lo a ni e. Set top box hi a buaithlak.
9612131627
——————

Kawng chhiat chhan ber \hin chu, a siam \hat tawk loh chu lo dah \ha ta ila. |um khata chhe buai a ni ngai lo, lei min chiam a nih chuan thu hran. Te tak te in a khuar \an a, hnawh vat a nih loh a vangin a zau zel a, a pum chhiat phah \hin. A tet laia hnawh vat vat a nih loh avangin tuna kawng chhia hi a mak lova, a nih dan tur dik tak a ni. Kan kawng hi enkawltu nei lo, neitu nei lo a ang ber mai. A enkawltu tan chuan ban phahna tling a va ni em.
RK Sanga
————

Mizoram chu zu \hain min ei chhe ta hle mai. Mi tam tak zu avangin kan thi mawlh mawlh bawk a, zu avanga natna khirh tak tak tuar an awm \euh mai bawk nen, kan hmabak hi chu a thim a nia. Sorkar berin zu an zawrh avangin ruihhlo zuarte lahin an huangtau phah nasa mai si a. Inthlan lo awm leh turah hi chuan Mizote bumin i awm tawh lo ang u. Zu zawrh duh miah lo tur Pathian \ih mite chauh i thlang tawh ang u. Chhan tlak kan la awm e.
LZ-a
——————-

Horticulture Department hnuaia Dragon fruit chingtute pawisa dawn tur hi Department lam hian a va pe chhuak har em em ve? Dragon fruit \iak supply kha an duh tawk ta mai em ni? An farmer te hi han ngaihsak deuh teh se.
Thenzawl Pa
—————-

UT \ha mi leh UT sawn pai tih lai vel khan kan tan hnam tan HLING an la ni ang titu khan a va han sawi dik em! Chakma leh Tuikuk vangin Zoram a harh chhuak mek e. Zofaten \an i la ang u.
Chuaua, Kolasib
——————-

Ruihhlo a hluar tual tual a, zu khap burna dan sawiseltu leh dodal zawnga au au \hinte chu zu zawrh a han ni ta ngei a. Khang hote kha an thi ta zawih zawih mai le! Zu khap burna dan hman sawisela iak iak \hin, ruihhlo a hluar phah titu tam takte thusawi pawh a dik loh zia tihchian nan sorkar-in zu a han zuar ta chiah a, ruihhlo tlem a hnekin, a tam sawt a, khang mite bawk khan ruihhlo chu an khawih ta vek a, thihpui pawh an tam mai! Zu hi in thiam kan zir chhung hian a zir mekten an thih phah ta zel erawh hi chu zu hi thiam takin kan in thiam hlum zel dawn chu a nih hi!
PH FANAI
—————–

MNF party hian an hun lai kha mipuiten kan la hre reng tih hria se, Congress sorkar sawi chhe ngawt lovin kan insiam \ha tawh a, kan \ha tawh ang ti sela pawm a nuam deuh ang.
Zoramchhana
—————–

Kawng chhia hi fur ruahtui tam vang leh tunlai motor-te hian an phur tam a, an rih tawh em avanga chhia a ni. Aizawl khawpuia lei khi leh in chhia pawh ruahtui tam vang tho a ni. Congress sorkar vang a ni lo. MNF, ZNP, MPC pawh sorkar se heng hi thleng vek tho tur a ni. Kawng chhiaah sorkar kan puh a, Bible House leh in dang chhiat chhanah sorkar kan puh leh si lo. MNF sorkar lai pawh khan kawng a chhe em em tho.
Malsawma pa
—————

Mizo mimir rilru sukthlek inthlak han hmuh hian party \ha tak tak piangthar vak mah se Congress emaw, MNF emaw lo chuan inlulinna LAL|HUTTHLENG an luah leh dawn chuang lo niin a lang. Sem policy hmanga kut dawh rilru piangsual min put tirin, tangka tawk tarh hnar phal lo turin min hrek ril\am a. Duhthlanna dik hmang ngam lo khawpin anmahni ang thova PATHIAN NUNG siamte vote ang lekah min ngaia, keimahniah hian kan vote bak duh leh hmangaih an nei lo. Lal tiang lekin an duh duh min sawi khum a, kan mitmei veng eih lovin lal an hrawt a. Mihring zahawmna leh Pathian hlauhawmna meuh pawh engah mah an ngai phal lo.
Mesaka Putea
————–

Tunlai kawng chhiat dan chu a buru hle mai. Mak ka tih em em chu tun kum ruahtui tam avanga kawng siam \hat theih loh thu hi kan ram hruaituten an sawi langin chhuanlam atan an hmang ve ziah a, kum 9, kum 10 dawn sawrkarna an chelh tawh a, hemi chhung zawng hian ruahtui a tla reng em ni tih hi mipuiten kan zawhna a ni. Han siam leh mah se fur khat daih pawn an siam leh thei miah lovang. Mipuite tan hian tu party hi nge kan vote ang tih mai a awl ta e. Ek in man to uchuak te, mawza man to \ha chuang miah si lo te thawm lah kan mitthlaah a la cham reh hman bawk si lo. Baffacos sum chingpen nasat ziate kha mipuiten kan la theihnghilh mang bawk si lova. Tuna kan hrawn mek lah hi a beidawnthlak hle bawk si. Kan ram hian hmangaihtu a va mamawh tehlul em!
Berbera Pu
—————-

Engatinge Tlawng kamah rel kawng siam an tum le? Rel tel lo pawn hma chu kan sawn viauin ka hria. Zawlbuk programme kha ka lo en ve a, cycle-a Sairanga kal te kha ka fak lutuk che u. Ni e tiraw, kan Tlawng lui khu a va han khawngaihthlak ve aw. Kan Pathian, khutiang min petu hi i zah ve ang u. Kei pawl 11 zirlai pawhin mittui tla fuapin ka en a, kan Tlawng lui chhiat tawh tur zia khu, tih dan a awm lo em ni? Tlawng khu \awng thei ni se chuan min chhan ru tih bak a au chhuahpui ka ring love. Chutiang chuan rawn \awng ta se Mizo mipuite hi kan harh chhuak lo ang maw?
Samuela Chhangte
—————–

Hmuihmul nei lo CM hi nei ila, engemaw kan an ang le? Kawng tinrengah hian bei a dawng ngawih ngawih.
Lal Rammawia
—————-

Champhai District-a awm ka ni a, NLUP-ah Videography ka thlang a, kum 2014 ni tain ka hria, Krismas dawnah Rs.10,000/- min pe a, kum 2015 khan Rs. 40,000/-min pe leh a, puk belh chawpin Computer leh Camera Rs.30,000/-man ka lei a, Printer lei ka la ngai a, tun thlengin dawn belh awm si lo. Ka Camera leh computer a chul zo mai dawn. District dang kan anpuiten an dawng full sup sup si. Mahni tuina ber kan thlan pawh, kan hlawhchhampui mai ang tih a va hlauhawm em. NLUP hlawhtling tak tak tur chuan eng trade pawh ni se a hun takah tihhlawhtlin ngei ngei tur hian pawisa hi dawng ila, tihhlawhtlin a va awl dawn em aw.
Champhai District pa
——————–

Tuna Zonet-in sikul \an hma chungchanga sawihona a siam hi sawrkar thu chhuaka buatsaih a ni em? Heta mi \henkhat ngaihdan hi sawrkarin thu tluk nan a hmang dawn em?
9436365342
—————–

UPC hi Comedian search-a fiamthu thawh nana hman chi a ni lo. Thuthlung i hriat loh chuan mi a i ni ringawt. Fiamthu thawh thiam si lo.
9862385339
—————–

Sikul kal chungchangah chuan nu leh paten zingah chaw leh ei turte buatsaihna tur hun nei se, zirlaiten an zirlai en lawkna hun, zing dar 5 a\anga dar 8 thlengin hun awl nei se, dar 8-ah chaw ei se, dar 9 emaw, 9:30-ah sikul \an se, tlai dar 3:30-ah bang se tichuan nu leh pa office bangte nen an thleng rual deuhthaw ang a, an leng hman lo ang a, a \ha ang. Vai tihdana tih ve tum ringawt chu a idea loh thlak em mai. Khawbung kan la ti zel duh dawn em ni?
8794746089
—————–