Finance Minister hlui Pu Lalsawta’n sorkar sum dinhmun chu RBI atangin nitin dawn thin a nih avangin Finance changtu Chief Minister in a hriat chian a rin thu a sawi a, sorkarin sum renchemna a kalpui a ngai a ni a ti.

0
35
views

Vawiina a chenna in-a chanchinbumite a kawmnaah Finance Minister hlui Pu Lalsawta hian Mizoram sorkarin sum hmuh thin pangngai atanga May thla chhunga a hmuh chu cheng vbc 450 vel a nih laiin thlakhat chhunga hlawh leh pension atan ringawt pawha senso ngai chu cheng vbc 477 dawn a ni tih a sawi. Sorkar sum dinhmun a chhhe hle nia a lan avangin Chief Minister chuan puang chiang thuai se tha a tih thu a sawi.
(Lalsawta bite 1)

Pu Lalsawta hian hri leng vanga harsatna chi hrang hrang karah inrenchem kawngah sorkarin nasa taka hma a lak a tul dawn tih a sawi a, sorkar hnathawkte hlawh chu a theih chin chin pek thaa a hriat thu a sawi a, tul lova ngaih theih sum senna zawng zawng huaisen taka a hlawi ngam a tul dawn a ni a ti.