Fire Station Building sak thar Home Minister-in hawng

0
388
views

Khatla Police Headquarters-a Fire Station Building sak thar chu vawiin chawhnu khan Home Minister, Pu R Lalzirliana’n a hawng a, khaw tin deuhthawin an khuaa Police station din turin sorkarah an ngen tih sawiin, hei hian Police-te chu mipuiin an an thlamuanpuizia a tilang tih a sawi. Pu R Lalzirliana chuan, Police 425 lakna atana thil tihfel ngaite pawh peih fel thawkhat a nih thu a sawi a, ITI-a Fire Station Building sak thar pawh hawn theih thuai a nih tur thu leh, Kolasib, Mamit leh Serchhip Fire Station Building sak pawh zawh tep a nih thu a sawi. Khatlaa Fire Station Building hi 13th Finance Commission atanga sum hmuh, Rs 2,16,20,978 senga sak a ni a, a sakna hmun hi Police Headquarters-in ram a pe a ni. Fire Station Building thar hawnna
inkhawm hi Fire & Emergency Services Director, Pu Lalhuliana Fanai-in a kaihruai a ni.