Vantlang ham\hatna tura thawktu Pi Vanramchhuangi’n NLUP chungchanga High Court-a PIL a thehluh thubuai kal mek chu vawiin khan Justice Michael Zothankhuma hian a ngaihtuah a, PIL thehluttu aiawha ding Ukil Pu C Lalramzauva chuan August ni 3-a court-in thupek a lo siam tawh angin langtlang leh hleih nei lova NLUP dawng tur thlan dan tur Guideline siam turin sorkar chu hriattir mahse, August ni 10-a sorkarin Notification a tih chhuah, August ni 27-a Gazette-a tih chhuah tak chu court thupek zawmna, guideline a ni tihna a ni lo a ti a, hemi chungchangah hian Justice Michael Zothankhuma chuan August ni 10-a sorkarin notification a tih chhuah chu NLUP dawng tur thlanna atana hman tur Guideline a ni em tih lo hrechiang turin Sorkar Ukil chu a hriattir a, tun thla ni 18-a ngaihtuah leh turin thubuai hi a dah a ni.
Justice Michael Zothankhuma chuan August ni 3-a Court in thupek a lo siam tawh angin, NLUP dawng tur thlan dan langtlang a duanfel hma chuan NLUP sem chhuak rih lo turin a hriattir nawn leh a ni.
