Health Minister Dr. R Lalthangliana’n covid vei leh vei lo enna khawl PCR tuna 2 bak, a dang 1 chah mek a nih thu a sawi.

0
34
views

Chief minister hova covid 19 chungchang vawiina sawihonaah Health Minister hian laboratory-a khawl pawimawh RNA chu naktuka Mizoram thleng hman tura beisei a nih thu a sawi a, hei hi a thlen chuan test tam zawk a tih theih dawn a ni a ti a. Sorkar laipuia health Ministry in ventilator 50 Mizoram tan a rawn pe thei dawn tih a sawi bawk.

Dr. Thangtea hian, tun dinhmuna covid 19 kai hmuh chhuah tawh zinga a tam ber chu Delhi atang Mizorama haw hlim an nih thu a sawi a, Mizoramin hri leng kai a neih mek mi 41 zinga 38 chu Delhi atanga haw, 2 chu Kolkata atanga haw leh 1 chu Gujarat atanga haw te an ni a ti. Covid vei zingah hian 25 chu hmeichhia an nih laiin 17 chu mipa an ni a, kum 18 leh 45 inkar vek an ni tih health minister hian a sawi.