Health Minister Dr. R. Lalthangliana’n tun hnaiah covid 19 vei thar Mizoramah an awm avanga chi-ai leh thlabara awm lo turin mipuite a chah a, fimkhur taka hrileng hmachhawn a tul tih a sawi.

0
39
views

Khawzawl District Level Task Force te a tlawhnaah Dr. R Lalthangliana hian, hun engemaw chen Mizoramah Covid-19 vei an awm loh hnuah tun hnaiah vei thar hmuh an ni ta chu chiai chiam a sawt lo a, fimkhur taka hmachhawn a ngai a, state danga tangkhang rawn hawte lo chibai emaw hmuh emaw tum talh a tul lo a ni a ti a, hri leng laka invenna kalpui mekah tan lak thar zel a ngai a ni a ti.

Health Minister hian mi 1000 vel test zung zung theihna tur RNA Extraction tia sawi chu hun rei lo teah Mizoramin a neih theih beisei a ni a ti.

Khawzawl District-ah hian quarantine center hrang hrangah mi 258 an awm mek a, Health Minister hian Khawzawl District Damdawi In tlawhin tanpuina cheng sing 2 a pe a, PHC 5-a damlo harsa zual tanpui nan cheng sing 1 theuh a leh Damdawiin-a hnathawktute hri leng laka an invenna tur hmanruate a pe a ni.

Health Minister hian Saitual District Level Task Force leh District Hospital pawh tlawhin, tanpuina a pe a, tun hnaia state pawna tangkhang, an haw kawnga Rel atanga chesuala thi ta Keifang nula chu a chhungte tlawhin a ral nghal a ni.