Mizoramin COVID-19 test-na tur RT-PCR khawl a neih mek belhchhahna tur khawl dang chu vawiin khan Manipur atangin helicopter hmangin Aizawl phurh thlen a ni.

0
41
views

COVID-19 test-na tur RT-PCR Quant Studio TM-5 hi tukin dar 10:30 khan Mualpui Helipad-ah Helicopter hmangin Imphal atanga rawn phurh thlen a ni a. Tun hnaiah COVID-19 sample test tur a pun nasat avangin khawl indaihlohna phuhrukna tur a ni.

COVID-19 test-na tur RT-PCR Quant StudioTM 5 leh hmanraw dangte hi ZMC COVID-19 testing laboratory panpui nghal a ni a, MISTIC Scientific Officers te leh IBSD Scientist ten an bunfel nghal a ni.

Covid-19 enfiahna khawl hawh tur hian Mizoram Science, Technology & Innovation Council (MISTIC) leh Health Department ten hma an la a, Institute of Bio-resources & Sustainable Development (IBSD) Imphal ah dilna an thlen a, tuna phurh thlen tak hi Mizoram-in khawl thar a neih hma leh ZMC-in a mamawh chhung chu hman theih tura ngaih a ni.