MZP te hian Jampui tlangdunga Mizo awmna-a Tuikuk dah tumna awm chu an hriatthiam loh thu leh pawi an tih thu Chief Minister hnenah hian an thlen a, tun hnaia New Kawnpui-a Mizo IR Police duty kutthlaktu, tun thleng man an la ni lo chu an hriatthiam loh thu thlenin, man an nih theh nan hmalaksak tur te, Covid-19 duty te hman tur Ambulance leh RT-PCR lei belh thuai a nih theihna tura hmala tur te, Myanmar-a Mizo tangkhangte haw theih dan tur ngaihtuah sak tur te, remna ni tun thla ni 30 a lo thleng tur lungrual taka hman a nih theih dan turte an sawipui a ni.
Chief Minister Pu Zoramthanga hian Jampui tlangdunga Mizo awmnaa Tuikuk dah tumna awm chungchangah hma an lak nghal thu leh inremna ang ngeia thil a kal theih nan bawhzui mek a nih thu MZP te hi a hrilh a, MZP te thu thlen dangte pawh bawhzui mek a nih thu a lo hrilh a ni.
