Hetihlai hian Mizoram Sorkar DM&R Dept ngenna bawhzuiin, Mizoram University-a Psychology Dept huaihawtin, rilru enkawlna lama mithiam rualten lirnghingin a sawi Tuipuiral tlangdung khaw hrang hrangte an fang mek a.

0
52
views

Psychologist leh Clinical Psychologist rualte hi team 7-ah in thenin East Tuipui Assembly bial, Hrangturzo bial leh Champhai South Assembly biala khaw hrang hrang an tlawh kual mek a ni.

Vawin khan MZU-a clinical psychology dept hotu, Prof Zokaitluangi leh a hoten Khuangthing leh Zawlseiah mipuite thlamuanin, lirnghing vanga rilru chiai taka awm te counselling an neihpui a. Anni team hian naktuk hian Khawbung, Dungtlang leh Leithumahte mipuite an zirtir chhunzawm ang. Psychological Support Group-a team member Dr PC Lalhmingsangi chuan mipuite thlamuan tur leh a tul anga counselling te pe tura thawk chhuak an ni tih a sawi.
(byte. Dr PC Lalhmingsangi )

Tuipuiral tlangdunga lirnghing tuarte hi DM&R dept-a mithiam te pawhin cham chilhin lirnghing chungchangah mipuite an zirtir mek a, khaw hrang hrangah an chhiat rupna thlen thulha hmanraw pawimawh turte khawtlang hruaitute an pe a ni.