Hetihlai hian ZMC-a Covid 19 damlo enkawl mek 21 zinga 1 chu uluk zawka enkawl turin ICU-a dahluh a ni a, Quarantine Centre-a awm naupaite chu emergency-a an sample endik tura tih a ni.

0
331
views

SRHF – ZMC Covid 19 Taskforce Bulletin-a tarlan danin vawiin khan Falkawna Covid-19 laboratory-ah sample 200 chuang endik a ni a, Falkawn damdawi inah Covid 19 kai damlo 2 leh rinhlelh mi 11 dahluh thar an ni a, Nimina admit 7 leh vawiina admit thar 7-te sample pawh vawiin hian endik a ni a, zaninah result hriat theih beisei a ni a, vawiina admit thar dang 4-te sample chu naktukah endik a ni ang.

Nizana Covid 19 kai hmuh thar 2 chu vawiin khan ZMC-ah dah an ni a, an hriselna dinhmun enfiah nghal a ni.

Insawiselna nei ZMC-a admit turin Screening room Phone No. 9436743459-ah biak hmasak tur a ni a, a theih chuan Referral Form nen damdawi in pan tum hram tur a ni. Insawiselna nei lem lo, Covid 19 kai nena inhnimhnaihna nei leh chhan dang engemaw vanga Sample endik ngaite chu an mahni khung hranna hmunah zel sample lak tur a ni.