Hetihlai hian ZPM Party chuan Congress MLA 5 ten an May thla hlawh pe vek mah se, Covid 19 do nana thawh tlem ber an ni tih vawiin khan an sawi.

0
75
views

MLA te hian Speaker hova an thutkhawm tumin May atanga December thleng an hlawh basic pay atanga zaa 30 leh MLA Fund cheng nuai 50 thawh turin thutlukna an siam a, hetah hian CLP pawh sawm ni mahse, programe dang an lo neih sa avangin an tel ve ta lova, hetihrual hian nimina an thla khat hlawh basic pay cheng sing 8 theuh, a vaiin cheng nuai 4 an thawh chungchangah Congress MLA-te hian party dang MLA-in thla 8 chhunga cheng nuai 1, sing 9 leh sang 2 theuh leh an MLA fund cheng nuai 50 an thawh chu an phak lo hle tih an sawi.

ZPM MLA te thawh tur pawh MLA Fund tel lovin cheng nuai 13, sing 4 leh sang 4 a tling tih an sawi. ZPM hian, Delhi lama Congress hotunu Pi Sonia Gandhi-in an party hotu sangte thutlukna a puan-ah Inkharkhip avanga state danga an mi leh sa tangkhangte hawna rel chuan man tum sak tura a tih angin tuna Mizoram mi, state pawna tangkhang lo haw turte rel chuan man pawh Congress MLA te hian an tum sak ngei an phut tih an sawi.