Hmarchhak biala Congress paih thlak tumna a hlawhtling dawn niin MNF President-in sawi

0
640
views

MNF President, Pu Zoramthanga’n hmarchhak biala Congress paih thlak tumna chu a hlawhtling ngei dawn niin vawiina Mizo Hnam Run inkhawmah a sawi a, Congress paih thla tura din, North East Democratic Alliance (NEDA)-ah an party a tel ve avangin BJP an zawm ta tihna a nih loh thu leh Congress party leh a thurualpui ni lo zawng chu he pawlah hian an tel niin a sawi a, he pawlah hian MPC leh ZNP pawh an tel tih sawiin, an inhnuhdawh thu hriat a la nih loh thu leh, hemi avang hian MPC leh ZNP hian BJP an zawm ta tihna a ni chuang lo tih a sawi. Pu Zoramthanga chuan, tun hnai khan Delhi-a NEDA \hutkhawmnaah hmarchhak bial a\angin party hrang hrang – Asom Gana Parishad, Bharati Janata Party, Gana Shakti, Manipur a Naga Peoples Front, Meghalaya-a National Peoples Party, Meghalaya-a United Democratic Party, Sikkim Democratic Front, Mizo National Front, Nagaland People’s Front leh Bodoland Peoples Front te an tel niin a sawi a, he \hut khawmnaa Mizoram tlawh ve tura PM a duh thu a sawi chu BJP President, Amit Shah-a’n chhangin, a theih anga hmaa a rawn tlawh tur thu a sawi niin a sawi. Mizoram Peace Accord-a sorkar laipuiin a tih tur an la tih kim loh chungchangah Union Minister of State for Home, Kiren Rijiju pawh an hmuh thu leh an thu thlente bawhzui a tum thu, Minister hian a lo hrilh niin a sawi bawk. Pu Lalruatkima MLA pawhin thusawiin Mizoram kawng chhiat avanga mipui thlavang hauha total Bandh an huaihawt chu mipuiin an thlawp \ha hle niin a sawi a, hei hian Congress sorkar chu mipuiin an ning tawh hle tih a tichiang niin a sawi bawk. He inkhawm hi an party General Secretary, Pu Lalrintluanga Sailo-in a kaihruai a ni.