Speaker hova vawiina Legislature party aiawhte thutkhawmna-a an tel loh chhan zawhna chhangin Congress legislature Party hruaitu Pu Zodintluanga chuan vawiina thukhawm tura kohna hi nizan dar 10 velah assembly secretariat atangin hriattir an ni chauh niin a sawi a, ramri ven hna thawktu police leh tlawmngai pawlte tlawh chhuah programme duanlawk an lo neih avangin an tel thei lo niin a sawi.

MNF, ZPM leh BJP aiawhten an hlawh leh MLA fund atanga sum an thawh tur ang Congress MLA ten an thawh ve dawn em tih zawhna chhangin Pu Zodintluanga hian sorkarin sum harsatna a tawk a nih chuan an hlawh pumpui cut thlengin an inhuam turah Congress Legislature Party chuan an inngai tih a sawi a, Sorkarin sum harsatna a tawk tih a puan hma chuan sorkar hnathawkte hlawh cut ang chi pawh thil tih rum rum tur chi a ni em tih chu an zawhna a ni tih a sawi.