Vawiina Mizoram Police Service Association General Assembly Khatla-a Police Arya Mess-a neih a hmanpuinaah Pu Lalchamliana chuan, he hmalakna hi a hlawhtlin theih chuan hmeichhiate tan a \angkai hle dawn a, a hlawhtlin ngei pawh a beisei awm tih a sawi. Tourist Police neih dan pawh ngaihtuah a nih thu sawiin, Home Minister chuan, hei hi khualzinte pawhin an \angkai pui dawn bakah an thlamuan phah leh zual dawn a ni a ti. Pu Lalchamliana chuan, Mizoramah ruihhlo man tur a tam hle a, ramri piah lam a\anga silai tawlhruk awm \hin man kawngah Police officer te hmahruaina avangin dan bawhchetute man an ni \hin chu thil lawmawm tak a ni a, ruihhlo man leh dan bawhchhetute man chhuah kawnga Police te tichak turin Uifing nei turin sorkarin ngaihtuahna a seng mek tih a sawi a. A enkawltu tur pawh Police thlan chhuah bikten State dangah training tir an ni dawn tih a sawi.
Pu Lalchamliana chuan, Police te chu mipui ten an thlamuanpui an nih a pawimawh tih a sawi a, mahni inthunun tur leh uniforam ha chunga zu leh ruihtheih thil dang lo turin a chah a ni. Tunhnaia MHIP te thubuai chungchangah phai lam a\anga an hmingziak dik leh dik lo enfiahna report rawn thleng chu amah pawhin a hriat hmaa hemi chungchanga inleng a nei chu \ha lo a tih thu sawiin, Police te chu thuruk vawn kawngah in enfiah a, thu puan chhuah hun hmaa put ru awm tawh lo tura a duh thu a sawi.
MPSA inkhawmpuiah hian an member IPS a kaisang mi 3 leh MPS a kai sang mi 5 hnenah lawmpuina thilpek hlan a ni a, Chief Secy Pu Lalnunmawia Chuaungo leh DGP Pu SBK Singh pawhin thu an sawi a. Chawhnu lamah ro an rel a ni.
