Kum 2013 Assembly inthlanpui neih dawna False Affidavit theh luta Chief Minister hlui, Pu Lal Thanhawla puhna thubuai chu vawiin khan Serchhip District Court-ah ngaihtuah a ni a, thubuai neitu Lal Thanhawla chu Court-ah inlanin, thu zawhfiah a ni.

0
393
views

Court-a a inlannaah hian Pu Lal Thanhawla chuan Kolkata-a a In neih, kum 2013 Assembly inthlanpui neih dawna Affidavit-a a tarlan loh chhan chu khatih lai khan a ram a nihna tihchianna a la awm loh vang a ni tih sawiin, ram a neih dan pawh duhsak thila pek a nih thu a sawi a ni. Puan tawh angin Chief Minister hlui, Serchhip bial-a MLA Candidate, Lal Thanhawla hian kum 2013 Assembly inthlanpui neih dawn khan Court-a Affidavit a theh luhah thu dik tawk lo a awm nia ngaiin, Pu Lal Hriatrenga Chhangte-in Pu Lal Thanhawla lakah hian nikum January ni 17 khan Serchhip District Court-ah thubuai a thehlut a, hei hi ngaihtuah chhunzawm zel niin, vawiin khan Serchhip District Court-a Judicial Magistrate, Pi JH. Lalparmawii’n he thubuai hi a ngaihtuah a, hetah hian Pu Lal Thanhawla hi Court hmaah a inlan a ni.

He thubuai hi tun thla ni 27 hian ngaihtuah chhunzawm a ni dawn a, Serchhip a\anga thudawn danin, October ni 1 emaw, ni 3-ah emaw he thubuai chungchangah hian thutlukna siam a ni dawn a ni.