Inrinnia Tuikuk-te thlavang hauha Bharat Hitaraksha Abhiyan intite Chief Minister pisa tuala an punkhawm dan hriat tumin vawiin khan Congress \halaite chu Chief Minister Pisa-ah kal an tum a, Police-in luh an phal loh avangin Police nen an in nawr buai nual.

0
488
views

Congress \halai hian Bharat Hitaraksha Abhiyan (BHA) inti Indore, Madhya Pradesh behchhan NGO member mi 140 ten Chief Minister pisa tualah Tuikuk thlavang hauha zalen taka an pungkhawm thei chu mak an tih thu an sawi a. Heng hnamdang za chuang zet Tuikuk thlavang hauhtute hi Hindu kulmuk, Hindu rama India siam tumtu RSS nen inthlunzawm an nih thu sawiin, Mizorama lo lut tura ILP an neih dan te, an Memorandum thehluh te, an mahni sponsor-tu leh an lo kalchhan chu sorkar in a thup tlat avangin he thil hi mipui hriata puanzar \ul an tih thu an sawi a. Hemi chungchang hi zawtfiah turin Chief Minister hmuh an tum chu Police-in an lo dang a, Police hotute chuan, Chief Minister Pisa-a a huhova luh chu an remtih loh thu leh an hruaitu 6 te chu luh an phalsak thu an sawi a. Congress \halai leh Police-te chu hun engemawchen an innawr buai a ni.

Chief Minister hmuh an tum phalsak an nih loh chungchangah Congress \halai President, Dr. Lalmalsawma Nghaka chuan, Chief Minister chu Mizo mipui te ta a nih anga hmuh tum mai an ni tih a sawi.

SP Security, Pu Lalsanglura chuan, BHS intite Chief Minister Pisa tuala an pungkhawm tur hi an hriat lawk loh thu leh hre lawk se chuan an luh an phal loh tur thu sawiin, a huhova CM Pisa tula punkhawm chu a rem lo tih a sawi.