Pu L.H Shanliana chuan, phai atangin Mizo an rawn haw khawm mek a, heng mite khung hranna tur pawh sorkarin a siam belh zel avangin Police te duty-na tur pawh a pung ve zel tih a sawi a, khawthlang ramri veng turin Police tirh belh an nih avangin police duty pawh hmun tam takah siksawi a ni a ti a, indaih lo tak a duty ni mahse fimkhur tak chunga theihtawp chhuah turin police te chah a, SDPO, Zonal Officer leh Police Station OC te chu field-a duty te tam zawka tlawh turin a hrilh a ni.
Mipui kharkhipna thupek leh a behbawm mipui khuahkhirhna hman chhungin Police station hrang hrangah thubuai ziah luh a tla hniam hle a, hetihlai hian zu leh a kaihhnawih thubuai ziah luh a pung thung tih thutkhawmnaah hian sawilan a ni.
