New Kawnpuia IR sipai pahnih – Zairemmawia s/o R Vanlalsawma, Hlimen leh C.Lalhruaitluanga s/o Lalnunsanga, Republic Vengthlang te pahnih, Tripura Chakma nia hriatten nasa taka kut an thlak chu Dampa Group YMA-in an dem thu leh, a rang thei ang bera pawikhawihtute mana an phu tawk hremna pek an phut tih thuchhuah siamin an tarlang.
An thuchhuahah hian Dampa Group YMA chuan Mizoram chhung ngeia hnam dangin a ram neitute kut an thlak fo mai chu an hriatthiam loh thu leh tun hnua thleng tawh lo tura an duh thu an tarlang a, Covid-19 hrilêng vanga ram pum buai laia mipuite himna atana duty tura ruatte chunga hetiang a thleng chu an hriatthiam loh thu an sawi a, a hmun ngeiah kalin thil awm dan hrechiang turin ruahmanna an siam tih an sawi bawk a ni.
