Rorelna sang, National Assembly rorel inkhawm hi Aijal Club-ah Chhandamna Kohhran President, Upa Ch. Lalnunchama kaihhruaia neih a ni a, hetah hian area hrang hrang a\angin palai an kalkhawma an thu ngaihtuah zingah chuan Missionary kaihhnawih thil chi 6 leh National Hqrs. kaihhnawih Agenda 10 te chu sawihova pass a ni.
Naktuk, Pathianni chawhma inkhawmah Kohhran mipui zawng zawng huapin Vanapa Hall-ah Pathian biak inkhawm neih a ni anga, hetah hian Pro. Pastor, Onesim Lalnunzira chu Pastor atan nemngheh a ni ang a, Outreach Missionary, Suresh Hial Odisha Field Coordinator leh Assam Field Coordinator, Pu Thangluaia te Ceremonial Licence pek an ni bawk ang.
Chawhnu inkhawmah Salvation Church Naupang Pawl leh Salvation Church |halai Pawl pualin hun hman a ni ang a, SCI Asst. General Secretary, Pu Laltlanthanga’n Chhandamna Kohhran lo din chhoh dan a lem nena entirin a sawifiah ang a, zaithiam leh zaipawlte an zai bawk ang. Pathianni zana Pathian biak inkhawmah an President, Upa Ch. Lalnunchama’n Pathian thuchah a sawi dawn a ni.
Chhandamna Kohhran hi Kohhran naupang te a ni a, Odisha, Tripura leh Assam-ah te missionary rawngbawl hna a thawk mek a, an thupui chu “Chanchin \ha hi hril rawh u” tih a ni.
