Khatla Branch YMA President, Pu C. Lalmuanpuia hnen a\anga Zonet thudawn danin, Pu H. Robuanga in dinna hmun hi tun hma kum 10 kalta a\ang khan a lo che tawh \hin a, tukin dar 7:30 vel khan an inhnui dawlna lungrem chu a rawn chim a, hei hian in hi a tihngheh loh bakah a tih awn tak avangin luahzui ngam a ni lova, Khatla Branch YMA hnuaia Section 5 member-ten hnatlangin an \hiat ta a ni. In neitu, Pu H. Robuanga chuan a in dinna lei hi kum 2014 khan na deuh takin a lo che tawh niin a sawi a, hemi vang hian an in kawngkhar pawh khar hleihtheih lovin a awm a, Aizawl DC Office-a Disaster Management lam hotute pawh hriattir niin, \um 3 zet a hmuna an enfiah tawh thu a sawi. In \hiah hnatlangah hian Govt. JL HSS-a NSS Volunteer \hahnem tak an thawkchhuak bawk.
