Khatla, Maubawk leh Zuangtuiah Heroin gram 192 man

0
1545
views

Excise & Narcotics Department, Anti-Narcotics Squad-in nimin khan Aizawl khawpui chhung hmun 3- Khatla, Maubawk leh Zuangtuiah ruihhlo, Heroin gram 192 leh a neitua puh mi pathum – Lalbiakliana leh Benjamin-a Maubawk, Tamdo Veng ve ve leh Vanlalchhungi, Aizawl Thuampui Veng nia inchhalte an man a, nizan dar 6 khan Zuangtui-ah Heroin gram 36 leh a neitua puh Lalenkawla, Champhai Bethel Vengthar nia inchhal an man bawk.
Vawiin chawhma dar 10:30 khan Central YMA hnuaia SRS Duty-ten R. Lalhmahruaia, Rangvamual Mel 3 nia inchhal hnen atangin Heroin gram 8, Ganja gram 30 leh Rakzu litre 35 an man a, Excise & Narcotics Department kutah an hlan a ni. Excise & Narcotics Department-in Heroin an man hi a vaiin gram 236 a ni a, a neitua puhte hi The Narcotic & Psychotropic Substances Act, 1985 hmangin thubuai an siamsak a ni.