BJP Mizoram Pradesh-in CM, Pu Lal Thanhawla’n kum 2013-a Mizoram Assembly inthlan a chuh dawna a thil neih tarlannaa Kolkata Salt Lake-a a in hmun a ziak lang lo chu thil dik zawk nia Congress media Dept.-in a sawi chu mipui bum tumna niin an sawi. Hemi chungchanga vawiina a thuchhuahah BJP chuan, Pu Lal Thanhawla hian Kolkata Salt Lake-a in hmun a neih chu kum 2014 July ni 25 khan Mutation a nei fel chauh tih leh, kum 2013 Assembly inthlan dawna a thil neih tarlanna, Affidavit a thehluh dawn lai hian a ta a la ni lo nia Congress party-in an sawi chu thu dik lo leh mipui bum tumna niin an sawi a, kum 2013 August ni 30-a West Bengal sorkarin Pu Lal Thanhawla hnena Sale Deed/ Deed of Conveyance a pek a\ang khan neitu nihna a nei tawh nia sawiin, Affidavit-ah pawh a tarlang ngei tur nia an ngaih thu an sawi. Hemi chungchangah hian Pu Lal Thanhawla hian inthlan dan a bawhchhiat bakah Salt Lake-a in hmun a neih dan leh a in sakna sum chungchangah hlemhletna leh Black Money a inzep ngei nia an ngaih thu pawh BJP Mizoram Pradesh chuan an sawi a, in hmun petu, West Bengal Communist sorkar pawhin Election Model Code of Conduct a bawhchhe ngei niin a lang nia sawiin, chhui chian a nih theih nan bawhzui an tum thu an sawi bawk.
