Kum 1947-a India Sub Continent then hran a nih tuma Pakistan kuta Chittagong Hill Tracts hlan vangin Kamalanagar-ah Chakma mipuiten lungawi lohna lantir

0
428
views

Chakma National Council of India, Mizoram State Committee leh Chakma tlawmngai pawl hrang hrang huaihawtin, kum 1947-a India Sub Continent then hran a nih tuma Pakistan kuta Chittagong Hill Tracts hlan a nih chungchangah vawiin khan Kamalanagar-ah Chakma mipuiten lungawi lohna an lantir a. Chawhma dar 11 khan Kamalanagar-a Rexi Square-ah pung khawmin, an lungawi loh lantir nan Badge dum an bel hlawm a ni. Vawiina lungawi lohna an lantirnaah hian Chakma National Council of India, Mizoram State Committee President, Pu Rasik Mohan Chakma leh Vice-President pahnih – Pu Alok Bikash Chakma leh Pu Amarsmriti Chakma-a’n thu an sawi a. Pakistan kuta Chittagong Hill Tracts pek a nih avang hian Bangladesh-a cheng Chakma-ten tun thleng hian harsatna an la tawh phah niin an sawi a, Bangladesh-a Chakma-te harsatna su kiang tur hian UK leh Bangladesh sorkar chu hma la tura an duh thu an sawi bawk a ni.