Lawngtlai District Land Owners Association-in ram compensation pek thuai phuta Multi Modal Transit Transport Project kawng tun thla ni 20 atanga an dan pin chungchangah vawiin khan Lawngtlai Bawrhsap, Dr. Arun T leh SP, Pu Lalsanglura te chuan ram neitute Bawrhsap Pisaah an kawm a, hetah hian Bawrhsap chuan Compensation diltute thil phut chu thuneitu sang zawk hnenah ziaka a bawhzui sak thu a hrilh a, kawng dang pingtute chu an thil tih bansan turin a ngen bawk a ni. Hemi hnu hian Lawngtlai District Land Owners Association hruaitute chuan Bawrhsapin an kawng dan pin chawlhsan tawh tura a ngenna chu an Pisaah ngaihtuah zui an tum thu Bawrhsap chu an hrilh a ni. Hemi hnu, vawiin tlai thleng khan kawng dang pingtute thuchhuak hriat tur a la awm rih lo a ni. Puan tawh angin Multi Modal Transit Transport Project kawng laihin a paltlang ram neitu mi 160 hnenah zangnadawmna pek a lo ni tawh a, tunah hian midang 300 velin zangnadawmna hi an dil mek a ni.
