Lei minin a hnawh pin National Highway 6 lirthei kal theihin siam tlang

0
304
views

Seling – Champhai kawng, National Highway 6, Seling leh Tuirini inkara nizana lei minin a hnawh pin chu vawiin chawhma khan lirthei chi tin kal theiha siam tlang a ni a, motor tangkhangte pawh chhuah nghal vek a ni. PWD hotute hnen atanga thu dawn danin he kawng chung ko min hian lung lian tak tak a tlakpui avangin hna thawh chak a harsa deuh a ni. Seling-Champhai kawng vekah hian Khawzawl leh Kawlkulh inkara Tuirial lui bulah lei tawlhin kawng a hnawh ping a, hei pawh hi tukin khan lirthei kal theiha siam tlang a ni. He kawm zawmpui, National Highway 54-ah pawh nizana ruah sur avanga lei tawlhin Zemabawk leh Tuirial inkarah kawng a hnawh ping a, hei pawh hi tukin khan siam tlang a ni bawk.