Lungleia PWD leh SP inkar thil thleng hi Department lianpui pui pahnih inkara innawrna a nih avangin chinfel thuai tuma hmanhmawh taka hmalak a ngai tih Pu Vanlalzawma’n a sawi

0
524
views

Opposition MNF group leader, Pu Vanlalzawma’n vawiin session-a zawhna leh chhanna zawhfel veleh lo ding chhuakin Lungleia PWD leh SP inkar boruak sawi chhuakin he thil thleng hi Department lianpui pui pahnih inkara innawrna a nih avangin chinfel thuai tuma hmanhmawh taka hmalak a ngai tih a sawi a, PWD Welfare Association chuan Lunglei SP hrem an phut tih te, PWD mi man leh sawisak chungchangah Police pahnih suspend an ni tawh tih thu te thehdarh a awm niin a sawi a ni. Hetihlai hian PWD Welfare Association chuan thu chhuah siamin an thawhpui MR chowkider R. Laldinliana March ni 26-a Lunglei Police Station-a hruaia nasa taka an sawisa nia sawi chungchangah Lunglei SP, Pu Lal\hafamkima Jongte chu he thila a mawhphurtu nia an hriat thu te sawiin, Police chet dan chu an dem tih an tarlang a ni.

Vawiin vek khan Lunglei |halai Pawl hruaitu zinga mi \henkhatte chuan PWD SE, Pu C. Lalchhuana Office-ah kalin an hnathawh dana an lungawiloh thu hmai chhanah an au khum a ni.