SEDP hnuaia Agriculture Development Board chu an Chairman, Agriculture Minister Pu C.Lalrinsanga hovin vawiin khan an thukhawm a, Covid 19 hri leng mek karah loneitute thlai tharchhuah a pung dawn nia an hriat thu an sawi.

0
395
views

Thutkhawmna kaihruaitu Agriculture Minister, Pu C Lalrinsanga chuan, Covid 19 hri leng karah mipuite leh Department-in invenna leh intodelhna kawngah theihtawp an chhuah a ni, a ti a. Khauh taka inkharkhip kalpui a nih lai pawhin Agriculture Department chuan bahlah lutuk lovin hma an la thei a, kuthnathawktute thlai thar pawh tun hma zawng aiin a pun beisei a ni, a ti.

Agriculture Development Board member-te hi hlawm thumah inthenin buh leh bal tam zawk thar chhuah a nih theihna tura Leilet siam chungchang May thla chhung khan an zir chiang a, Mizoram Mizoram hmun hrang hrang an fan kualna-a an hmuh danin kuminah buh leh bal thar a pung dawn ngei dawn niin an hria a, a hralh chhuah dan tur ruahmanna pawh an sawiho nghal a ni.

Thutkhawmnaah hian Agriculture Development Board Vice Chairman, Pu H. Biakzauva MLA, Board member-te leh Dept hotute an tel a ni.