Mara Chano Py huaihawta Bank hnathawkte leh Bank dawrtute dan chu tihtawp a ni ta

0
509
views

Siahaa State Bank of India Branch hawn belh phut avanga Mara Chano Py huaihawta Bank hnathawkte leh Bank dawrtute dan chu nimin tlai dar 5 khan tihtawp a ni a, vawiin a\ang khan he Bank hian a pangngaiin hna a thawk leh ta a, dawrtu pawh mi tam tak an awm a ni. Puan tawh angin nimin chawhnua Siaha Bawrhsap, Pi Harleen Kaur-i hova an inbiakna-ah Bank hotute chuan nakkum sorkar kum, 2018-19 chhunga Siahaa State Bank Branch thar hawn an remtih bakah Siahaa State Bank of India e-corner ATM, pawisa lak chhuah theihna, dah luh theihna leh passbook print theihna pawh kumin sorkar kum chhung ngeia dah an remti a, Bank hnathawkte leh dawrtute, MCHP huaihawta dan chu titawp turin MCHP hruaitute an ngen nghal a, an thuchhuak hi MCHP hruaituten a sawiho leh hnu, nimin tlai dar 5 a\ang khan he Bank dan hi an titawp ta a ni. An \hut khawmnaah hian MCHP hruaitute bakah M|P leh MSO hruaitute pawh an tel a ni. Puan tawh angin MCHP-in Bank hnathawk leh dawrtute, Thawhlehni kal ta a\anga an dan nachhan hi Siaha SBI Branch-in mipui mamawh a phuhru pha tawh lova an hriat avang leh, Bank Branch hawn belh tura an phut vang a ni.