MSU General Headquarters ngen angin, vawiin thleng khan Chakma House-ah mikhual thleng an awm lo

0
314
views

Chawngtea MSU Sub. Headquarters hruaituten Chakma-te kut an tuar nia sawi avanga MSU General Headquarters-in Aizawl Hunthar Venga Chakma House-ah mikhual thlentir rih lo tura a ngen angin, vawiin thleng khan Chakma House-ah hian mikhual thleng an awm lova. House enkawltute chuan, tunah hian House-ah damlo pakhat tih loh chu September ni 28 a\ang khan mikhual an thlentir tawh lo niin an sawi a. Chakma Autonomous District Council sorkar chu \hiah a nih rih avang leh Lawngtlai Bawrhsap enkawlna hnuaia a awm rih avangin zirlaite thil phut bawhzui a nih dan an hriat loh thu leh, MSU ngen angin mikhual an thlentir rih loh thu an sawi a ni. Chawngtea MSU Sub Hqrs. hruaitu \henkhat, Chakma-ten kut an thlak nia sawi a nih avang hian Mizo Students Union leh Aizawl City College Joint Students Union huaihawtin September ni 29 khan zirlaiten Aizawlah kawng an zawh a. Zirlaite chuan, Chawngtea MSU Sub Hqrs. hruaitu kut thlaktute chu a rang thei ang bera man chhuaka an phu tawka hrem an phut thu te, Chakma kut tuar zirlai hruaitute chu zangnadawmna pe tura Chakma Autonomous District Council an phut thu te, Mizo mipuite hnena ngaihdam dil an phut thu leh Hunthar Venga Chakma House-a mikhual thlengte zinga damlo tih lohte chu chhuahtir vek tur leh an thil phut tihhlawhtlin a nih hma chuan House-ah tumah thlentir an phal loh thute an sawi a ni. Chawngtea buaina chhuak avanga Hunthar venga Chakma House-a bungraw \henkhat tihchhiat a nih avang leh MSU-in House-a mikhual thlen an phal loh avang hian 3rd Battallion MAP a\angin sipai 6, Mizoram Home Guard mi 7 leh Vaivakawn Police Station a\angin Police 2-in Chakma House hi vawiin thleng khan chhun zan zawmin an veng a ni. Chakma House enkawltute chuan, House-ah hian VIP Room nen vek \um khatah mi 30 vel an thleng thei niin an sawi a, MSU-in mikhual thleng rih lo tura a tih hma kha chuan Room awm zawng zawng chu a khat deuh reng niin an sawi.