March thla laihawla Delhi Nizamuddin hmuna Muslim te punkhawmna a\angin COVID 19 a darh nia sawi leh hemi kaihhnawihah Mizoram mi an tel nia sawi chu chhui zui a nih thu leh tun dinhmunah chuan hlauhthawnna tur a awm loh thu Police hotuten Zonet an hrilh a. Hemi chungchang Social Media-a thu dik tawk lo thehdarhtu chu vawiin khan Police-in an man.

0
37
views

Nizamuddin leh a chhehvel metre 250 a\anga metre 500 bial chhunga awm zawng zawng ziahna list, Confidential Document putru nia lang pakhat-ah chuan he punkhawmna bul hnaiah hian Mizoram-a awm mek mi 24 an awm ve tih a lang a ni.

He Document-ah hian phone number 464 tarlan a ni a, an vai hian hmarchhak bial a\anga Nizamuddin tlawhtu leh a chhevel paltlang an nih thu tarlan a ni a, helai hmuna ni 3 awm tlingte chu a rang thei ang bera medical screening tih tur an nih thu tarlan a ni.

He Document-a Mizoram kaihhnawih tarlan 24 zinga 20 chu Mizo an ni a, a dang 3 chu hnam dang an ni a, 1 dang leh chu company pakhat hotu nia sawi a ni. He thilah hian Police hotute chuan, thil awm dan an chhui chian mek thu an sawi.