MIMER din turah Building zaa 90 vel sak zawh tawh a ni – Health Minister

0
706
views

Health Minister, Pu Lal Thanzara’n Falkawn Referral Hospital-a Mizoram Institute of Medical Eduation and Research (MIMER) din turah Building zaa 90 vel sak zawh tawh a ni tih a sawi a. Medical College din tur hi Medical Council of India (MCI)-in \um engemaw zat an enfiah tawh thu leh tunah hian eng hunah pawh enfiah leh mai theih reng a nih thu a sawi. MNF member, Dr. K. Beichhua zawhna leh zawhbelhna dangte chhanga he thu hi sawiin Health Minister huan, tunah hian Referral Hospital-ah ni tin damlo inentir mi 200 an awm a, a changin mi 300 tling changte pawh a awm \hin a. MCI dun dan chuan ni tin inentir hi mi 400 tling tur a ni a, hei hi tun dinhmunah tling chiah rih lo mah se, Mizoram Population nena chut chuan ngaihhnathiam theih beisei a ni tih a sawi. Pu Lal Thanzara chuan, Medical College atana Falkawn Referral Hospital buatsaih kawngah khawl \ha ber ber thuam chhoh mek a nih thu leh he College dinna atan hian sorkar laipui a\angin Rs. 1,26,72,00,000 dawn a ni tawh a, chuta \ang chuan Rs. 18,06,71,000 hman tawh niin, Rs. 24,70,00,000 chu Department-in a hman phalna a la hmu lo tih a sawi.

Minister-in zawhna a chhan zawha thil awmdan sawifiahtu House Leader, Pu Lal Thanhawla chuan, Falkawn Referral Hospital leh Shillong-a NEIGHRIMS din nan vbch 40 ve ve a rual hmuh a nih thu leh Shillong a mi chu hlawhtlin taka din tawh niin, Mizoram a\ang pawhin pantu an pun mek laiin, Falkawn Referral Hospital chu enkawl zui a nih loh avangin a hlawhchham ta rih niin a sawi a. Hemi chungchang House Leader thusawi chu thudik lo nia sawiin MNF member, Pu Lalruatkima chuan, Shillong-a NEIGHRIMS chu kum 1987-a sum pek daih tawh a nih thu leh Falkawn Referral Hospital nena tehkhin chi a nih loh thu a sawi vangin eptu pawl leh rorel lai pawl member-te chu an inhnial buai nual a ni.