He Manifesto-ah hian BJP a sorkar huna a thil ngaihpawimawh tur chi hrang hrang tarlan a nia, chung zingah chuan BPL chhungkua zawng zawngte tan buhfai kg khat cheng khat rate-a pek te, hnathawh tur nei lo mi sing nga tan kum nga chhunga hnathawh tur siam sak te, Mizorama kawngpui hrang hrang thla ruk chhunga thawm \hat vek te, Engineering College, Medical College leh Nursing Training Institute din te, Myanmar leh Bangladesh ramri hrula insumdawntawnna leh zin mite tana awlsamna siam nan kawngpui siam te, tlawmngai pawl hrang hrangte telna Delevelopment Council siam te, District tina Football Stadium siam te, zin veivak mite tan Eco-Park leh Picnic Spot siamsakte, chenna in nei lo zawng zawng tan kum thum chhunga chenna in siamsak te leh Mizo \awng humhalh nan 8th Schedule-a dah te a tel a, Aizawl khawpuia lirthei tawt lutuk vanga chet vel harsa tawh chu thla thum chhunga tih ziaawm a ni dawn niin an manifesto-ah chuan ziah a ni bawk.
