Mizoram Board Of School Education Chairman Pu F. Lianhmingthanga’n kum 2019-2020 Academic Session Matric Exam Result chu karleh-ah tih chhuah theih beisei a ni tih ZONET hrilh.

0
11
views

Inkharkhipna kalpui mek a nih avangin result hi online hmanga tih chhuah tum a nih thu MBSE chairman hian a sawi a, result Bu duh kher an awm thin avangin social distancing zawm chungin counter 4 velah result bu lakna tur siam tum a nih thu a sawi a, kum danga a nawlpui a kal luih luih ang chi chu tih an tum lo tih a sawi.

Inkharkhip puan a nih avanga Pawl 12 subject thenkhat exam la zo kim lo awm chungchanga zawhna chhangin MBSE Chairman hian, exam hun tur chungchangah ruahmanna an la nei rih lo tih a sawi a, hetihlai hian University lamin August ni 10-ah Under Graduade te class tan tura a tih avangin hemi hma hian exam theih dan leh result tih chhuah hman dan tur ruahman an tum thu a sawi a, subject exam zawh tawh chhanna endik pawh an zo fel tep tawh tih a sawi.