Mizoram Government Lumpsum Grant-in-Aid Higher Secondary School Association-in dinhmun sang zawka hlankai phut nana tun thla ni 18 a\anga Sikul an khar chu vawiin thlengin an la khar chhunzawm zel a, zirlai 850 velin ni 8 chhung sikul an kai thei tawh lo.
Heng Sikul khar meka zirlaite chu vawiin khan an sikul tualah \heuh pungkhawmin zirna chhunzawm vat an duhzia an lantir a. An harsatna tawh mek chu sukiang tura hmalak thuai an duh thu leh hetianga sikul kai lova an awm reng chuan an zirnain a tawrh phah theih dawn avangin Sorkar chu a rang lama hmalakpui tura an duhna thuziak an keng hlawm a ni. Lumpsum Grant-in-Aid Higher Secondary School zinga mi Farkawn Higher Secondary School Managing Board chuan an khaw chhunga tlawmngai pawl hrang hrang, Kohhran leh Political party-te ko khawmin an thilphut tihhlawhtlin a nih theih nana hmalatu tur, Farkawn Higher Secondary School Upgradation Demand Committee an din a, Mizoram Government Lumpsum Grant-in-Aid Higher Secondary School Association phut angin Phullen, Thingsulthliah, Tuisualral, Zobawk, Farkawn, NE Khawdungsei, E. Lungdar, W. Phaileng leh Zawlnuam Higher Secondary School chu dinhmun sang zawka hlankai thuai an phut thu an sawi a ni.
Lump sum school 9-in dinhmun \ha zawka hlankai phuta school an khar chungchangah hian Mizo Students Union Gen. Hqrs. hruaituten Education Minister Pu H Rohluna nimin khan an kawm a, Minister chuan tuna kal mek dan bak tih ngaihna a awm rih loh thu a lo hrilh.
MSU President Pu RB Lalmalsawma sawi danin Education Minister chuan tuna Managing Board hnuaia Lump sum school te dah an ni chu zirna in a \hat phah zawk nia a hriat thu leh sorkar in \anpuina a pek te pawh tih san theih dan a awm em tih a ngaihtuah thu a lo hrilh a ni. MSU President chuan MSU in zirna uar kum a puan laia Lumsum school ten dinhmun \ha zawka hlankai phut vanga zirna in khar a ni leh Zirna kalpui hleihtheih loha, ni engemawzat school khar a ni ta chu pawi a tih thu a sawi a, zirlai ten an tawrh loh na tura hma la turin sorkar an ngen tih a sawi. MSU President chuan tunhnaia HSSLC pass thar zirlaite zingah College a luhna tur seat changlo engemawzat an awm chu pawi a tih thu sawiin hemi chungchang hi Higher and Technical Education Minister Pu Romawia hnenah an thlen tawh thu a sawi bawk.
