MNF Thalai Vice President, Pu H. Lalramdinliana’n Mizoram Sorkar-in Lottery a kalpui danah thil dik dik lo lian tak awm ngeia an hriat thu a sawi

0
226
views

MNF |halai Vice President, Pu H. Lalramdinliana’n Mizoram Sorkar-in Lottery a kalpui danah thil dik dik lo lian tak awm ngeia an hriat thu a sawi a, kumin May ni 30-a Distributor thar lakna tur Tender chhuah a nih hnuah pawh Lottery Draw kalpui zel a ni chu tihtawp nghal an phut tih a sawi.

MNF |halaite hian vawiin khan an Vice President pahnih, Pu H. Lalramdinliana leh Lalremruata Chhangte leh Treasurer, Pu Lalzahawma hovin Tuikhuahtlanga Institutional Finance and State Lottery Pisa tlawhin Lottery Distributor 4-te chu an Term a tawp tawh chunga Lottery Draw phalsak an la ni chu a ranglam tihtawp an duh thu an sawi a. MNF |halaite hian IF&SL Director, Pi Jennifer HL. Duhawmi hmuin Lottery kalpuinaa thil dik lo awm nia an hriatte an sawipui a, Distributur 4-te Term chu \um 2 pawhsei tawh nia an hriat thu te, kumin May ni 28-a an term a tawp hnuah May ni 30 khan Distributor thar lakna tur Tender chhuah a ni tawh chungin heng mite hian vawiin thlengin Lottery Draw an la kalpui zel nia an hriat thu leh hei hi thil dik lo lian tak nia an hriat thu an sawi a, hei hi tihtawp nghal a nih theih nan hmalakpui turin an ngen a ni. Pi Jennifer HL. Duhawmi chuan, an thilphut chu a thuneihna piah lam a nih thu MNF |halai hruaitute chu hrilhin, an duh dan chu hotu sang zawkte hnena a lo thlen chhawn tur thu a hrilh a. Institutional Finance and State Lottery chu Finance Department hnuaia Directorate pakhat ve mai a nih avangin hriatbelh duh leh thlen duh an neihte chu an hotute hnena thlen zawk turin a lo rawn a. Lottery a thil dik lo awm chu tihtawp a nih theih nan a tawp thlenga hmalak an tum thu leh hemi chungchang hi zirtawpni hian Finance Minister, Pu Lalsawta sawipui an tum tih MNF |halai hruaitute chuan an sawi a ni.

MNF |halaite hian Director an hmuh hnuah IF&SL Directorate Pisa tualah pungkhawmin Lottery vawr mek chu tihtawp an duh thu te, he thila mawhphurtu Chief Minister chu bang tura an phut thu leh Lottery-a thil dik lo nia sawi chu CBI chhui tir an phut thu an au rual a ni.