Mizoram Legislative Assembly-a ZPM Legislature Party chu \hiah a ni.

0
408
views

ZPM Legislature Party \hiah anih thu hi nimin khan Assembly Secretary chuan ZPM Legislature Party hruaitu Pu Lalduhoma hnenah ziakin a pe a ni.

Assembly Secretary Pu SR Zokhuma chuan Zonet zawhna chhangin, ZPM chu political party anga inziaklut a nih tak avang leh ZPM legislature party-a inziaklut MLA 7 te hi ZPM ah an inziah luh bawk si loh avangin, ZPM Legislature Party a awm chhunzawm zel chu a remchang lo niin a sawi.

Hetihlai hian ZPM hruaitu, Pu Lalduhoma chuan ZPM Legislature Party \hiah a nih hriattirna lehkha hi vawiinah a hmuh thu leh lehkhaah hian dan tlawh chhan ziahlan a ni loh thu Zonet zawhna chhangin a sawi a, hetiang thil hi Mizorama a thlen vawi khatna a ni a ti.

Pu Lalduhoma chuan ZPM ang chiaha Party indin, inthlan hmaa registration nei hman lo ang chi Mizoramah pawh an lo awm nual tawh tih a sawi a, MNF D hminga thlantlin Pu P Siamliana leh Pu Andrew Lalhreliana ten term an hmang zo a, MJD hminga ding MLA 8 ten an term an hmang zo a, MPC pawhin registration nei lovin MLA 12 an nei a, an term an hman zawh bakah MNF nen an thawk ho a ni a ti a, ZNP party pawhin registration an neih hmain MLA 2 neiin an term an lo hmang zo tawh bawk tih a sawi.