Mizoram pawna tangkhang, lo haw tura sorkara inhriattir tawh hi mi sing chuang an ni a, heng mite hi ni 14 chhung an inkhung hran vek a tul dawn avangin District tin thuneituten inkhung hranna tur hmun an dapbelh a, Sorkar chuan Kohhran hrang hrang Hall te pawh hman tel tumin Kohhran hrang hrang a dawr kual mek a ni.

0
31
views

Lungleia-ah chuan Mizoram pawn atanga haw hlimte khunghranna tur Quarantine Center 10 siam a ni a, chungte chu sorkar sikul te, tourist lodge leh rest house te a ni a, heng hmunah te hian khum 293 ruahman a ni. Lawngtlai-a thleng tur Chennai atanga haw mek mi 54 an awm a. Quarantine Centre awmsa, District Hospital-a Quarters Block A leh B a awm mekte an chhuah a hun tawh avangin, hetah hian dah luh nghal an ni ang.

Champhai District-ah chuan State pawn atanga haw tur mi 741 an awm a, quanrantine center 4-ah dah an ni ang a. Serchhipah chuan State pawn a\anga haw mi 6 an awm tawh a, sorkarin khunghranna tura a ruatah khung hran nghal an ni a, Serchhip District mi, haw mek mi 34 an awm a, Chhiahthlanga Highway Restaurant te, Bukpui P&E Rest House, Thenzawl Ayush Hospital leh Khawtetlang Tourist Lodge te chu quarantine centre ah hman a ni. Mamit-ah chuan SSA boys hostel, tourist lodge leh women polytechnic-ah te state dang a\anga haw tur mi 90 te dah an ni ang.

Saitual district-ah pawh quanrantine facility mi 395 lenna tur khaw hrang hrangah ruahman a ni a, chungte chu sorkar dept. hrang hrang IB te, Tourist Lodge te, sorkar school te leh damdawi in te a ni a, state danga Saitual district-a haw tur in report tawh mi 237 an awm a ni.