Mizoram Health Care Scheme thar hi Private Hospital leh Kohhran Hospital-ten an tlakchhiat phah thei dawn nia an ngaih avangin an zawm thei lo tih Congress \halai hian an sawi a, SYNOD Hospital pawhin a enkawltute duh loh satliah ni lovin, ngun taka Synod Hospital Board-in a rel hnua Synod Executive Meeting-in a nemngheh a ni a, hetiang a nih mek lai hian hmun hrang hrang a\anga khawpui damdawi in pantu an pung zel a, Sorkar enkawl damdawi in-ten an dawl zawh si loh avangin loh theih lohva Private Hospital leh Kohhran Hospital pan a ngai a, Sorkar-in damdawi inah damlo an leng lo anih chuan khum dah belh zel a nih tur thu a sawi pawh dah belh a nih thu hriat tur a awm lo a ni an ti.
Congress \halai chuan, Damdawi in khum a awm lo tih leh ICU a ruak lo tih vanga loh theih loha Private leh Kohhran Hospital pan ngai an tam hle niin an sawi a, damlo rethei leh harsa zawkte mangangin an rum mek a ni, an ti a. Sorkar Hospital-a khum chang lo, Emergency Doctor ten admit ngai nia an ziah Hospital dang pantute chu MR Bill emaw Health Care bill emaw phal sak turin Sorkar an phut a ni.
Congress \halai hian Sorkar-in Health care scheme a duan chu mipui tan a him lo mai ni lovin harsatna thlentu zawk a ni an ti a, Private Hospital an hrem emaw an tih hi mipui hremna a ni tih hre turin Sorkar hotute an ngen tih an sawi.
Health Minister, Dr.Lalthangliana MNF Vice President a nihna a\anga paih a nih hnuah a zinbo hlanin Chief Minister, Pu Zoramthanga chuan tihmualpho leh ar chuk tui lova chhuah a tum em ni tih chu an zawhna a nih thu Congress \halai hian an sawi.
