Tuirial Hydro Electrict Project atanga kawlphetha siamchhuah Mizoram Sorkiar-in a leichawnna turah inremna mumal a la awm lo

0
211
views

Tuirial Hydro Electrict Project a\anga kawlphetha siamchhuah Mizoram Sorkiar-in a leichawnna turah inremna mumal a la awm lova, Central Electricity Regulatory Commission thu ngaihchan mek a ni.

Power and Electricity Department hotute hnen a\anga Zonet thudawn danin, Tuirial Hydro Electrict Project hian nikum October ni 29 a\ang khan kawlphetha a siam chhuak \an a, kawlphetha a siamchhuah tirh a\anga kumin April ni 26 thleng Unit khat cheng 1.78 a lei a ni a, hemi hnu hian a tira inremna angin kawlphetha siamchhuah zawng zawng a\anga zaa 12 a thlawna lak hnuah Unit khat cheng 5.18 a lei a ni a, Zaa 12 hi a thlawna dawng lova siam chhuah ang ang a vaia lei anih chuan Unit khat cheng 4. 56 a ni thung. Tuna kawlphetha leina hi inbiakremna lailawk mai a nih avangin tunah hian a rate bituktu tur Central Electricity Regulatory Commission-ah a inchiah mek a, an ni hian Mizoram Sorkar leh Hydel project siamtu NEEPCO-te chu Power an inleichhawn dan tura an rawtna thlen tura a tih angin Mizoram sorkar chuan Unit khat zel cheng 3.38 vel ni se tih a rawt a, NEEPCO lamin tuna inremna lailawk anga Rate hi kaltlangpui \ha a ti thung a, hemi chungchangah hian Mizoram Sorkar leh NEEPCO lam thu hi a inkalh avangin Central Electricity Regulatory Commission chuan thutlukna ala siam mai thei lo a, an thu leh hla ngaihchan mek a ni tih an sawi. P&E Department hotute chuan, kawlphetha megawatt 60 pechhuak thei tur Tuirial Hydro Electrict Project hi a tira sum ruahman aia engemawzata tam siam a nih avangin a rate hi a tlawm thei lo niin an sawi a, NEEPCO lam sumsen titlem tur hian Mizoram Sorkar chuan DONER Ministry-ah sum a dilpui angin cheng vaibelchhe 133 leh nuai 90 a rawn pe a, hei hian engemaw chen rate a tihhniam phah zawk nia sawiin, tuna Mizoram sorkar-in a leichhawn mekna pawh hi to lutuk chu a nih tawh loh thu an sawi a ni.

Tuirial Hydro Electrict Project hi nikum December 18 khan Prime Minister, Narendra Modi chuan a lo hawng tawh a ni.